Friday, November 30, 2007
~~ السواد ~~

بين حقول الياسمين
نمت واشتد عودها
بأرض معطاءة لا تعترف ببخل المشاعر
..
كانت نظرتها لا تتجاوز ما يجاورها من أزهار
ظنت -على خلاف الواقع- بأن الحياة "رقيقة" كرقة النسمات
عطرة" كرائحة الورود"
صافية" كزرقة السماء"
حنونة" كدفء الشمس"
..
تمنح جميع من/ما حولها
الابتسامة الشافية
فتلتئم الجراح
تُهدي النظرة الحانية
فتعيد الأفراح
..
لم يدر بخلدها لحظة بأن عطاءها سيقابله عطاء من نوع آخر
..
لذلك كانت الصدمة موجعة
:
:
:
في يوم عاصف
تقتلع فيه الرياح القاسية حقول الياسمين فتحيلها إلى أرض جدباء لا حياة فيها
معلنة بذلك زوال تلك الابتسامات الخفية
وبداية عهد جديد
تحكمه العواصف
بقيادة الغربان اللعينة

تعلن حالة الحداد

ويسود الصمت

ويشيع الحزن

ويكون السواد

اللون الرسمي .. لأرض كانت تشع بالبياض






للقصة بقية ...



***


EnG-Q8iya

أهديكِ فقرات من روحي
أثارتها صورة مهداة منكِ

 
posted by 78o8eYa at 3:53 PM | Permalink | 13 comments
Tuesday, November 20, 2007
حرية + ريجيم + تواير= شكراً

*This pic was taken by me ;)

الأجواء تغري بممارسة أقصى درجات الحرية
بعيداً عن الاختناق وراء أبواب مغلقة
بعيداً عن الزحام المزعج
بعيداً عن العيون المشحونة بالقلق الممزوج بالضجر

أهرب كما الطائر السجين إلى حيث أجد راحتي
أحلق في صدر السماء
بين الغيوم
وفوق السحاب

أعانق الأمواج الهادئة
فـ كل موجة تحمل قصة تشبهني
أم أنا أشبه كل موجة تلامس ذلك الشاطئ بخجل
تقترب .. بهدوء
ثم تتوارى إلى حيث أتت

...
...

تصل بي " الغالية" إلى ملاذي الحبيب



.. المركز العلمي

لا مكان آخر يضاهيه أثناء هذه الأجواء الخلابة

أستمتع بكل لحظة من لحظات ذلك النهار ..
ثم أعود إلى حيث أتيت
كما الأمواج الخجلة

لا أحمل معي سوى نسائم عابرة أزاحت عن صدري همسات متعبة

...
...

****

لـ اللي يتابع أخباري الغذائية ..
يؤسفني أن أعلن عن توقف الميزان لوزن محدد دون زيادة
وبنقصان يبلغ نصف كيلو غرام فقط لاغبر
ضيق خلقي والله :/

أقول حق الوالدة:
ميزانج مخرّف ! قام يخوره .. بآخذلي ميزان إلكتروني أبرك
:$

عن خاطري كليت ماعون صغيرونو
(Strawberry Cheese Cake)
من
Health Company

وناويه على
Chocolate Muffin

:$



الوعد مع الميزان الأسبوع الياي وإن شاء الله خير
....
....


****

كان عندي موعد أسنان ، قبل موعدي بعشرين دقيقة تقريباً وصلت العيادة ، أنطر أحصلي موقف ...
عيزت من النطره
بيطوف موعدي وآنا أنطر أحد يطلع ، ومحد ناوي يطلع كلش
!
...
افتريت بالشارع رايحه وراده ..
وكل من قاضب موقفه ...

فكرت أنا فكرت ..
قررت أنا قررت ..
;P

سكان هالعمارة أكيد لهم مواقف من ورا العمارة ، خل أسفط سيارتي هناك وأنزل قبل لا يطير موعدي
وفعلاً
لقيت مواقف السكان ، بس اللي سافط سيارته واللي حاطله سلسلة على موقفه .. يأست وقلت مالي غير أرد مواقف العيادة مره ثانية
وقبل لا أعدي من العمارة جان ألمح مدخل حق مواقف بسرداب العمارة
طبعاً فرحت وبسرعة نزلت بسيارتي شوي شوي وإلا الطامة الكبرى
....
....

النحاسه شلون قايله ...

....
....

مدخل السرداب مسكّر بـ "شتر" + "حاجز- قف"
!

أي واحد بمكاني ماله غير إنه

يرجع بسيارته ويطلع من هالمدخل النحيييس
وهذا اللي صار
ما انتبهت إلا
والتواير الخلفية لسيارتي تنط فيني
..
..
أثاري حاطين مطبة
مشيت التواير الأمامية شوي شوي

جان أسمع صوت يقووول

ففششششششششششش !!

أسمعه بكل التواير
:/

حسبي الله عليكم ، ما سوت علينا مواقف نبي نصفط فيها ...
:@

أمشي بكل هدوء والصوت مستمر
وأقص على عمري : سيارتي تردني البيت
لامشيت فيها بالراحه توصلني ...

أي صح ، بالأحلام
:/

وبنص الشارع الداخلي توقف فيني ... ما عندي الجرأة إني أنزل أشوف اللي بدّعته بسيارتي حبيبتي
...
أول اتصال على العيادة، زفيت السكرتيرة لأنها ملقوفة وما تخليني أكمل كلامي .. أهم شي إنها تبي تركبني تاكسي وتبيني أيي الموعد ! ....

ثاني اتصال على الوالدة، وإلا ماكو غيرها أحد يقدر يآخذني .. اللي رايحين ملجه ، واللي رايح دوامه .....

وآنا بحالتي هذي .. مخترعه ويوعانه على ريوقي وضغطي نازل والساعة حروة السبع ونص
ما اقدر أفكر ...
:/

ويطوف عليّ "شاب محترم" يستفسر عن حالتي الكسيفه
:$

أقوله إن تواير سيارتي مبنشره .. بس ماني قادره أنزل وأشوفهم، و ناطره الوالده تييني

يفتر على السياره ويبشرني:
اختي أهو تاير واحد بس اللي مبنشر

مو مصدقه: صج والله بس واحد ؟
^_^

يرد : أي والله، بطلي دبة السيارة خل أسويلج البنشر .. وماله داعي أحد اييلج
ويشمّر عن ساعديه

أتصل على أمي ، وتنهمر بأسئلتها كالشلال
ريال هيلقي وإلا محترم ؟
سيارتج ما تتحمل تخلينها لي باجر ؟
متأكده بس تاير واحد ؟
يعني أهو قاعد يبدل البنشر ؟
لي خلص أبي أكلمه ، أتشكّر منه ..
..
إن شاء الله يمه ..

مسيكيين عقب ما بدل التاير
قالي حركي شوي جدام ، آنا شاك بالتاير الوراني
...
وإلا التاير نايم
!
://

كسر خاطري والله
وبنفس الوقت حسيت ويهي طماطه
:$$

جان يقولي بعطيج السبير مال سيارتي، لأن سيارتج مثل سيارتي
بس لازم تحركينها شوي وتصفطين يم سيارتي

طبعاً آنا:
ما قصرت بس ما أبي أتعبك أكثر ، أخلي أحد يآخذني وتالي يسونها

ما رضا: كله تاير واحد ، ماتسوى تعنين أحد .. حركيها شوي شوي

وأوقفها يم سيارته ، ويبدل التاير

أتصل على الوالدة وتكلمه... حسيت بنفسي ياهل
تنطر أمها تتشكر من واحد لاقي بنتها الضايعة
:$$

شكرته
واسألت عن اسمه
و وعدته ان السبير ينرد بأسرع وقت لأن مكتبه بنفس المكان
وقبل لا أحرك، يوصيني:
ديري بالج بالطريج ، شوي شوي .. وحاولي تردين البيت وما تمشين فيها وايد

إنشاء الله ، مشكووور وما قصرت
:$

طبعاً من باجر الصبح، مبدلين تواير سيارتي
وردينا السبير على راعيه

ومن هذا المنبر أقوله



اللي يعرفني عدل، يدري شكثر أحب سيارتي وأخاف عليها ، ليما ألحين مو مصدقه شلون سويت فيها جذيه
.....
.....
كل هذا لأن ضغطي نازل ومو مآكله شي
:/


سلامات يا الغالية و الحمدالله على السلامة



*****



هالبوست مكتوب من يومين ، ولظروف صحية قهرية تأخر نشره إلى اليوم

فـ عذراً على التأخير غير المتعمد


*****


غاليتي
Relaaax


أرواح اجتمعت صدفة
تآلفت من خلال أسطر صادقة ، نبعت من قلوب محبة في الله
وإن كانت علاقتنا مقتصرة على كلمات من وراء شاشة
إلا أن ما يجمعني بروحك أثمن من مجرد ك ل م ا ت

أحبكِ في الله
:*



 
posted by 78o8eYa at 12:07 PM | Permalink | 16 comments
Sunday, November 11, 2007
قال .. و قلت


قال

تعلمت الصبر أنواع

عشان اصبر على بعدك

لقيت الصبر أوجاع

وراحة قلبي في قربك

...

قلت

لا يتوجع قلبك ويرتاع

ما لقلبي سوى حبك

إن طال الزمن أو حتى ضاع

صعب ألقى مثل قلبك

يمكن غيري للوقت خضاع

ينسى هواك ودربك

لكن يحرم عليّ أكون لك بيّاع

وتظل دايم راحة روحي بقربك

23-10-2007

~*~*~*~

لأغلى أحبابي


 
posted by 78o8eYa at 11:12 AM | Permalink | 23 comments
Monday, November 05, 2007
تفافيخ ملونة





على الرغم من إن يوم الأمس أول يوم دوام بالإسبوع
وزحمه- كالعاده- مو طبيعية
وواصلة متأخرة عشر قايق
وخذيت "استئذان" ، وآنا مدوامه
رغم كل هذا
..
كنت مستانسه
وطايره
حالي من حال هالـ تفافيخ
والدنيا حدها ملونة بعيني
;)
******




أول ما طاحت عيني على هـ الصوره

ذكـــــرتـــج

!

....

...

ولهت علينا

آنا + انتي

....

...

ما ولهتي علينا

؟

:$

******


أتبع نظام غذائي جديد ، واسلوب رياضي شوي قوي

كل هذا في سبيل

بدلة شتوية

;pP~

Wish me Luck PlzZ ! ;)

******

ضم كفك بـ كفي .... ضحكة عيونك يا عمري تكفي

written by ME :)


 
posted by 78o8eYa at 12:28 PM | Permalink | 21 comments