Tuesday, June 26, 2007
Picture talk - Black & White











^
^
^
he reminds me of some one .. ! :P LOoOL








****************************
***********
هنالك لقطات تنبض بالحياة
لا تحتاج منا لتعليق أو وصف
ولأن هذه المجموعة المعروضة
غالية
عندي
فهي صالحة للعرض
فقط
<< للغالين >>

*********
*****************************




إعلان
يسرنا أن نعلن عن نتيجة التصويت الخاص بإسم المدونة
^_^
وكانت النتيجة كالتالي
(ضد- أصوات 4)
(مع- أصوات 7)
نشكر لكم مشاركتكم الفعالة معنا
;)
على أمل اللقاء بكم في أنشطة قادمة
 
posted by 78o8eYa at 8:37 AM | Permalink | 10 comments
Tuesday, June 19, 2007
! مو يومي

كان يوم الأمس يوم استثنائي

بإختصار

"مو يومي"

!

..
..

*****

قعدت متأخره
ومخترعه

لأن هالحزه المفروض أكون راكبه سيارتي بطريجي حق الدوام

قبل لا أقوم من الفراش ، دزيت جم مسج صباحي لأغلى الناس
وتذكرت إن في شخص موصيني أقعده علشان ما يتأخر على موعد مهم

فـ اتصلت

ولمدة عشر دقايق أحاول أقعّد .. وأساحل


صباح الخير على النوير
..
يا حلوين قومو .. يا حبايبي قومو
..
ترا الساعه بتصير 7
..
عفيه على الشطار اللي يقومون وما يتأخرون
..


وباءت جميع المحاولات بالفشل

كان الرد عباره عن:
تقلب بالفراش
ومثاوب
وصوت نايم يقول
" اممم"

;Pp

طبعاً انهيت المكالمه وآنا مستعيله لأن مو ناقصني تأخير


وبسرعه بسرعه

خلصت وركبت سيارتي منطلقه

..
..

الفريج صخه

ماكو سيارات

أقول حق عمري : المدارس وعطلو من وين بتيي الصيحه
..
..

أفكر أدق على نفس الشخص النايم علشان أتأكد إذا تم قبول النداء
وإلا بعدهم نايمين

وأدق
..
..


سؤال مفاجيء: "انتي كلمتيني قبل شوي، صح؟"

..

أي وعيزت وآنا أقعد ومحد يبي يقعد
شنو اليوم مالكم نيه تقومون، ياالله عفيه قومو..

إمبلا ، كاني ألحين أقوم

عفيه على الشطار
يا الله يمديكم ، متأخرين



لحظة صمت
...


وين متأخرين ؟! .. توها 6 وثلث
!!


..

شنوو


؟!!

لا مو 6
الساعه ألحين 7 وشوي

حتى ساعة سيارتي تقول
إنها (.......)
!!


أمبيييه
!
الساعه 6 و26

لحظات صمت

وآنا مبطله حلجي ومو مصدقه الساعه

وأطل بموبايلي أبي أتأكد منه
والساعه تقول إنها 6 و28 دقيقه
!!

:S

منصدمه

:$

مفتشله

ميته من الضحك على نفسي
وأفكر شلوون ما انتبهت على الساعه
..

يعني آنا فازعه من الخمس و شي !

شكو قاعده مبجر حييل
:/

أشوووف الساعه ما رنت ، وآنا على بالي ما سمعتها

أشوف البيت حييل هادي وسيارة الوالد مو محركه

أشوف الشوارع كلها ما فيها إلا سيارتين وثلاث يتمشون

أشوف خط البحر فاضي على غير العاده

..
..

وجنه صج داقه على الأوادم الساعه 5 وشي ، أقعدهم
وملزمه إنهم يقعدون علشان ما يتأخرون
صج قصة ويه ! :$$


..
..


وصلت الدوام حييل مبجر
أكدت حضوري
وطلعت

تمشيت بالسياره أفكر من وين آخذلي ريوق
بما إني أمس مو متعشيه

ماكو غيره مركز سلطان

خذيتلي أكل صحي جداً ورديت الدوام متأخره
بس ضميري مرتاح لأني فازعه من صباح الله خير

^_^



ما توقعت بيوم يصير فيني جذيه ، وأهم شي إني ما انتبهت على الوقت وساعات الدنيا تارسه داري
,,

باجي اليوم كان ابداع ، مواقف تستاهل تنعرض بالسينما ..


طول الدوام كنا نضحك ونقول : هذا يزاة اللي يقعد حييل مبجر !
;Pp



بعض هالمواقف على سبيل المثال لا الحصر
:

مراجع ياي يستفسر عن إجراءات معينة ومن ضمن الحجي

قال هالجمله : عمري 28 سنه.. وآنا رجّال قد كلمتي..

" كلام لطيف "

شوي ويسأل زميلتي :

آنا ما أدري..
بس عمي قالي ، دام أمك مطلقة من أبوك مالك حق بالميراث
!


طبعاً كلنا طلعت عيونا .. ؟

@@

من يقول هالحجي ، وبأي شرع


الزميلة العزيزة بنفس اسلوبه ردت عليه :

ألحين لما أمك تتطلق من أبوك ، إنت تكون ولد أمك وإلا ولد أبوك ؟
..
..

سكت يفكر ، مو عارف يجاوب
:/

..

مره ثانيه تسأله :

ألحين انت اسمك بجوازك "فلان ولد فلانه الفلاني "- وإلا "فلان ولد فلان الفلاني" ... ؟؟


لأ اسمي فلان ولد فلان الفلاني ..

يعني انت ولد أبوك .. وتآرث منه
طلاق أمك ما يحرمك من الميراث


بس عمي يقول ... ؟

اهني سكتت ، وتطالعني بنظره تقول
( مقتنع الريال شسوي )
..
..

لاتعليق :/


موقف ثاني يصلح حق فلم هندي ... -__-

عندنا بالدوام واحد شغله بالمطبخ
ملقووف ويترزز عند المكاتب يآخذ الأوراق ويصوّرهم ويآمر على المراسلين وين يروحون وايون ، موبايله بيده طول الوقت ما أدري شـ يقرا ما أدري شـ يطالع .. وعينه على الرايح والراد
لما تقوله يسوي لك شي من المطبخ يسأل : بعد شنو يبي ؟
لما تقوله نادلي فلان يآخذ هالأوراق يرد : ليش .. آنا موجود
لما تنادي على الثاني اللي وياه بالمطبخ اييلك طاير مثل السعفه شوي ويعصب: نآنا اسمي جاسم ليش كله ينادي ثاني نفر ! آسفين يبه ما نعيدها"


مره خذيت يوم مرضي ، جنه صج يايني يسأل :
ليش أمس ما يجي ؟!
انته في مريز، لا يجي ..

وكل شوي يطل عليّ: انته زين ، ما يبي شي ؟


صدف على يوم كنت بالمكتب بروحي ، والإدارة كانت نوعاً ما هاديه

كنت مشغوله بأوراقي ، ما أوعى إلا هاللي يدش علي –يتسحب وبيده صينيته

تبي شي ؟

رفعت راسي أطالعه : آنا ناديتك ؟ لا ما أبي شي .. مشكور

ليش يقول مشكور مشكور
This is my duty
!

اقعد على الإنجليزي LOL ;p

قلتله : خلاص، مو مشكور

يبتسم

رديت حق أوراقي

الحبيب متنّح ، مو راضي يفج

جان يقول: انته
Busy ؟

Yes ..

you are always Busy

ما رديت عليه ..

جان يسأل you know English ؟

Yes ..

ابتسامه شقاقيه ، جان يغرد البلبل :
You are so entrusting girl , you know what I mean ?
آنا يقول ..

وقبل لا يبطل حلجه بكلمه قلتله
انزين ... وبعدين
..

انته في زعلان من آنا .... قول
مو مشكل آنا يروح ماكان تاني .. آنا يقول منجر يبي يروح ماكان تاني عشان انته مافي زعلان


اذا في زعلان آنا يقول ، وآنا ما أبي شي ، وعندي شغل .. خلصنا عاد

بصوت يترجى ويكسر الخاطر يقول
أول انته في سلام
في كلام
ألحين مافي ، انته في زعلان من آنا .. قول


من متى في سلام وكلام بينا !

آنا ألحين بزي ، إذا أبيك راح أناديك ، زين جاسم .. خلاص

ويجر أذيال الخيبة ويطلع من المكتب و آنا ما أدري أضحك ما أدري أعصب :

هالحجي من شهر تقريباً

اللي صار أمس شي ثاني على مستوى أكبر .....


بما إني مطنشه العاشق الولهان طول الفتره اللي طافت ، كان مزاجه متعكر
يهبّد بالقلاصات على المكاتب
ويصفق بالبيبان وراه
عاقد النونه و ماد البوز

ويمشي تقول" بوحقب" بالممر


وآنا لا حياة لمن تنادي
..
..
..
أمس أسمعه يقول اسمي مع حجي مو مفهوم حق راعي العربانه- المتروسه عصير وبطاط وعلوج ويفتر بين المكاتب- ، كنت مشغوله كالعاده وباب مكتبي مطرّف – وبروحي بالمكتب

قاعد أسمعه بالممر يقوله شي عني .. حقرته

شوي ما أوعى إلا هاللي فوق رآسي وبيده عصير كوكتيل
- ABC

عاد راعي العربانه وايد محترم

بس الصكه صارت فيه، مسكين ..

يبيني أمسك العصير وآنا ايدي بأوراقي وأخزه

شنو هذا ؟

جاسم ..

شنوو يعني جاسم .. !؟؟

جاسم قول مدام يبي عصير كوكتيل ..

آنا ما ابي
..

بس هووا يقول ..

وآنا شكو ! .. يقول اللي يقول ، ما ابي ..

مخترع مني راعي العربانه ، أول مره أعصب عليه

أطلع من مكتبي حق المكتب اللي يمي ..
أقولهم : ما صارت ترا لوّع جبدي

وقررت اني أزفّ لأن هالأشكال ما تمشي إلا بالزف


أرتب الزفه والحجي اللي راح ينقال ..

وأروح له

قاعد الحبيب عند مطبخه

يوزّع ابتسامات

جان أقوله:

شنو سالفة العصير ؟

يبتسم .. شنو ؟

آنا اللي أسأل ، شنو ؟؟!

يتليقف واحد من ربعه ويطل علي : شنو عصير ؟

آنا كلمتك ؟ .. لاتتحجى دامني ما كلمتك .. آنا أسأله وأهو يجاوب
قولي شنو سالفة هالعصير ؟
آنا قلتلك أبي عصير ؟

مستمر بتوزيع الابتسامات .. هذا عربانه قول انته يبي عصير !

آنا ما أبي ، وأهو ما قال ، انت اللي قلتله سامعتك تقوله اسمي و بعدين أهو قبل شوي سآلني شنو تبين و قلتله ما أبي شي

يضحك .. ويطالعني

شوووف ..
حق الشغل
ما تسمع ومحّد قالك وليش ما قلتو اسمي .. وتنخش ورا باب المطبخ تتنحش عن الشغل
وحق العصير
تعرف وتفهم وقلبك نصك
انته اهني ياي تشتغل مو تشرّي عصير
ومره ثانيه مو على كيفك تآخذلي عصير سمعت ! جابل شغلك ومطبخك أحسنلك
سامعني شنو أقووول ..

منبهر بالحجي وعافس ويهه وضايق خلقه

مشيت عنه ، جان أنتبه ان ربعه كلهم قاعدين يتطمشون ، يعني فوق كل هذا طاحت هيبته بينهم



يا ربي ناقصين احنا مراسلين يتحرشون بعد ؟!

وإلا أُهم على حالتهم الكسيفه ناقصين مشاكل وفصل من الشغل

وبهذله ؟!




..
..
..



هذا كله من القعده مبجر !




لا هذا مو من الفزعه مبجر ، هذا من حر الصيف وعصبيته الزايده


بس ناقص يحط لي ورده حمرا على مكتبي ، وإلا يركض لي بالدوار وأهو يغني علشان يكمل الفلم الهندي
والله حاله
://



*********


وبالأخير ..
ديرو بالكم على اعماركم
ولا تعطون أي أحد ويه

وصج إن ابتسامتك في وجه أخيك صدقه
بس هالصدقه مو أي أحد يستاهلها
..
..

ولا تروحون دواماتكم مبجر
^_*



*********



قبل لا أنسى ..

;)


مؤخراً تم إضافة إسم للمدونة

وهو التالي

(همس الصمت)

..

في بداية عملية الـ
Make Over
بمناسبة مرور عام على الإنشاء

^_^

وتطبيقاً لمبدأ الديمقراطية

راح يكون هناك تصويت على النحو التالي :

هل أنت مع أم ضد الاسم الجديد للمدونة ؟

يرجى التكرم و المشاركة بإضافة اختيارك
( مع – أو ضد )
تحت اسمك الظاهر بالتعليق

شاكرين لكم حسن تعاونكم معنا لما فيه تحقيق المصلحة العامة
;p
 
posted by 78o8eYa at 10:39 PM | Permalink | 22 comments
Monday, June 11, 2007
" .. أحاول "

أحاول أن أقرأك ..

أُعيد قراءتي لمرات عدة

..
..

أكرر ذات الخطأ اللغوي

وأتبعه بخطأ نحوي

ثم أختم بخطأ تعبيري

..

وفي كل مره

تصحح لي ، وابتسامتك لا تفارق محياك

تفرح بأخطائي

..
..

تمسك بيدي ، وتحاول تعليمي الطريقة المثلى للقراءة الصحيحة

تشير بإصبعي على الحروف الثابثة

فأشعر برعشة تسري بأوصالي


تنعشني

ثم تحرقني

..
..

"يتبع"
:
:
:
:
~*~*~*~*~*~
:
:
:
:
:
في السابق كنت أعاني من حمى الكتابة ، بحيث تجتاحني تلك الرغبة بشكل مفاجيء وتظهر أعراضها واضحة للعيان ، فلا يمكن إخماد نيرانها المستعرة إلا من خلال الورقة والقلم ، وأحياناً من خلال الضرب على الأحرف المصفوفة بعناية بإنتظار من يطلق لها العنان لتتسابق والأسطر في لعبة تتقنها منذ الأزل

تثيرني أبسط المواقف وتهزني
تحفزني النظرات التائهة
و تلونني تلك البسمات المنثورة

كل ما يخطر ببالي
وما لا يخطر كذلك

له نصيبه من الإعلان عنه هنا

حالياً أُجاهد ... فعلاً أًجاهد في الكتابة
:S

تُرى ما السبب ؟
هل أضعت بوحي
أم أحاول تضييعه

..
..
..


كل ما سبق يقودنا للتالي


ما الذي يلهمكم للكتابة ؟

متى يكون الوقت المناسب للكتابة بالنسبة لكم ؟

هل لديكم كتابات تندرج ضمن الـ "خاص و سري" بحيث يتم إخفاؤها ؟

 
posted by 78o8eYa at 9:49 AM | Permalink | 23 comments
Friday, June 01, 2007
! .. تحليق من نوع آخر





كثيرة هي الحروف المتداخلة
المتصارعة
..

تتدافع للهجوم على الورقة

..

وفي النهاية تبقى ورقتي نقية

بيضاء

!


-$-$-$-$-$-$-



أراها ترقبني بنظرة مختلفة

نظرة فاحصة

نظرة مليئة بالتساؤل

وبعد دقائق تقذف بسؤالها :

انتي لست انتِ
!

ما بكِ ..










اعذريني

لكنني

.. بعيداً أُحلق ..
!






******




أتمنى السير فوق السحاب

..

فقط

أتمنى ...

..



******



لا يمكنني العوم و الأمواج شديدة العلو

لا يمكنني النظر والضباب يحتويني

لا يمكنني التنفس و الصندوق يغلق بإحكام شديد

لا يمكنني التحليق والأغلال تعيق حركتي

..
..
..



******


تقلبات الطقس تشبهني

إلى حد كبير تشبهني

عند الهدوء تشرق الشمس

عند الزعل يثور الغبار

عند الغضب تشتد الرياح

عند الحزن تتساقط الأمطار



******



هالأيام بالذات أحتاجج
..
حيل أحتاجج
..
محتاجه أسمع صوتج
..
محتاجه تضميني لصدرج
..
محتاجه تهديني
..
وتقولين لي
شكثر تحبيني

وانج عمرج ما راح تخليني

..
..


بس انتي غبتي عني
وخليتيني بروحي

وانتي تدرين
ان ماكو بهالدنيا مثلج


ليش رحتي
..
..
..
..

:"(






 
posted by 78o8eYa at 10:05 PM | Permalink | 16 comments