Saturday, August 12, 2006
-][- الحياة مليئة بالصخور -][-

مؤسسة الحياة للانتاج الفني
تــــــــــــــقــــــــــــــــــدم
مسلسل
(( الــحــيــاة مــلــيئــة بالــصــخــور ))
فكرة و اخراج
عالم البشر
تمثيل
ناس و أجناس
المشهد الأول
بغرفه ضيجه .. إضاءة خفيفه ، سرير أبيض ينطر من ينام عليه
كلها لحظات وإتيي .. أو إييبونها
أنطرها و آنا خايفه ، ما أدري شلون بلقاها
ما أدري شنو لازم أسوي أو أقول
..
..
ما بين دعاء و دمعه تغافلني و تنزل
لحظات و ألقاها جدامي
ممده مثل الخشبه على هالفراش الكئيب ! بحياتي كلها .. عمري ما شفتها ضعيفه بهالشكل ، ما في و لا قطرة دم بجسمها من الصفار
تذكرتها و إهي تغني لي (( يا صفره غيج ** من شافج ما فج الريج )) بس علشان تغصبني آكل ..
..
ثواني و يرفعونها حق الفراش الأولي .. و آنا متيمده بمكاني ماني قادره أسوي شي ..
دقايق و يقعدونها ، ينادونها .. يبون يتأكدون إن البنج فج عنها
أول ما فتّحت عيونها ما قدرت أمسك نفسي ، بجيت و رحت مسكت إيدها
أقول لها ( الحمدالله على سلامتج ، غدا الشر إن شاء الله .. ما فيج إلا العافيه) .. و بقلبي أدعي لها تقوم لنا بالسلامه
كنت لما أناجرها ( إنتي ما تحبينا .. قولي لي شكثر تحبيني ؟ ) ترد علي
الله لا يبيّن معزتكم من شر
ألحين بس حسيت بكلمتج ، و آنا بعد أقول لج
الله لا يبيّن معزتج من شر يا يمه
(( يتبع ))
 
posted by 78o8eYa at 10:28 PM | Permalink | 2 comments
مرحلة و عدت على خير

نأسف للإنقطاع الغير متعمد
مررنا بالفترة الأخيرة بعدة تجارب .. منها المفرح جداً و المحزن و حتى التعيس
!
كانت أيام معدوده و لكنها تساوي خبرة أعوام
كانت فرصة لترميم و إكتشاف الذات من جديد
سيتم عرض مقتطفات في الحلقة القادمة منـ ــــــي ^_*
فـــ تـــابعــــــونــا
~ (( يتبع )) ~
 
posted by 78o8eYa at 4:44 PM | Permalink | 0 comments