عاد الجو امس مع المطر

صج مال شعر

ومشاعر

وشاعر

وكلام يوصلك لحدود الشمس

كلماتج حزينه

فيه يأس من الحب والمحبوب

مليت من انصاف الحلول

اصعب شيء انصاف الحلول

ان تبقى معلق
بالوسط

كم هو مؤلم


كلامج رغم المه
لكنه جميل

والاجمل انها لحظات بوح
وليست حاله مستمره

*****

حقوقيه دائما تستخدمين كلمات قانونيه
من واقع عملج

( تم الافراج عنها )

:)

7osen

الجو هاليومين مؤثر جداً
الغيوم بالسما و رذاذ المطر
و البرد السحتني

قلبك يرجف من البرد قبل أصابعك

..

الكلمات فيها يأس من كل شي مو بس من الحب
"من الدنيا كلها "


إنك تكون معلق بالهوا ، لا طايل لا سما ولا أرض
حاله كسيفه،
إنك تشوف عمرك يضيع بدون ما توصل حق اللي تبيه
كسرة قلب،
إنك تبحر و تخونك المايه ، و تضيع
مراسيك
ضعف وألم،

ودك ترحل
و تترك كل شي وراك
لكن المشكله
ما تدري وين تروح
قمة الضياع،

..


-------------
لابد من بعض الكلمات القانونية
لأني أبقى في النهاية
"حقوقيه"
^_*

ههههههههههههههههه

تعرفين ليش اضحك
على كلمة سحتني

حسيت ان الجو موت برد
لما قريت هالكلمه

-------
كلامج عجبني واااايد

لكنه مليء بالالم واليأس

اسافر وارحل بيأسي
ادور مرسى لحزاني

انتي كملي

***
حقوقيه
الحياه حلوه
بس نفهمها

إن شاء الله دوم هالضحكه
:)
عاد اليوم برد ما يغشمر ، حده سحتني
;D
مال دوّه و حليب مهيّل و درابيل

---------

للأسف هذا الواقع
...

أسافر و أرحل بيأسي
أدوّر مرسى لأحزاني

أنسى يومي و أمسي
أحب و أعشق من ثاني

أسمع بس صدى حسي
يضيع كل فرح(ن) لفاني

تشتاق لي جروح نفسي
وأنا اللي منها أعاني


،،يتبع


--------

ايييه ، إهي حلوه
بس
نفهمها
و
تفهمنا

سلامتج وسلامة هالقلب النازف
انتي من يوم ماادعموج عند اللفه وانتي فيج شي
بصراحه


مالي مكان ، وصرت غريب بـ هالمدينة
.
ليش كل ما قلت قرّبنا .. أكتشف محد يبينا

الله الله الله
ضاق بها المكان وصار غريبا في مدينته العاشقه
تتمنى القرب والامان وتنصدم بالجفاء

اتمنى في 31/1/2007 اجد عزفا ضاحكا واوتارا تترنم بالسعاه
لك تقديري

بالسعاه = بالسعاده
عذريني غلبني النعاس ومحيسن قاعد يبجي

وش أبآخذ ..

وش بأخلي ..

وأنت ماخليت فيني شي صامد ..

غير ظلّي !!

ترى مريت عليييج
وعجبتني كلامج
حبيت اسلم

بس الحين ماقدر افكر
قلبي مو معاااي

عندي امتحان!!

احياناً
لابد أن نتنفس يأسنـا
لنعـرف طـعم السعادة والأمــل
..
وشـ بقـي
فيني اقـول
غيـر حرفك مـن ذهـول

يقول مظفر النواب : انا يقتلني نصف الدفء ونصف الموقف أكثر



جميل ما قرأت لكِ
ود لقلبك وتعبه

مليت من أنصاف الحلول
ذاب قلبي من الجروح

:

ليش كل ما قلت قرّبنا .. أكتشف محد يبينا


:

تدقين على الوتر
صج كلماتج تعور

جميلة رغم الألم
:)

بس استغربت طلبج في النهاية
ليش فرضتي التعليقات تكون قاسية ؟؟

و هل لي الحين تحسين بقسوة لحظة اليأس ؟؟

انا عندي قناعة ماادري .. احس متى ما يتلي القوة او الرغبة اني اتكلم عن شي مؤلم .. معناته فقد تأثيره السلبي


ما عليه صايرة بس اتفلسف من كثر النوم
خخخخخ شكوو
!!
;**

barrak

ربي يسلمك من كل شر
آنا بعد شاكه من هالدعمه
يبيلي سفره سنعه ، أسوي فيها
Checkup
على عمري
;)

وأنا كذلك أتمنى
شكراً جزيلاً


مسموح لوما تعذّر
، من طق الولد
;p


-=-=-=-=-


سالفة قلب

صح لسانج
:)


-=-=-=-=-


Alather

حياج الله حياتي
موفقه
:)


-=-=-=-

khaled

وأحياناً كثيرة
نتنفسه
ونأكله و نشربه
و نعيش معه
و يعيش معنا
و نموت و يبقى نابض في أرواحنا


-=-=-=-=-


AuThoress

الأجمل تواصلكِ عزيزتي
يسعدني رؤيتك أحرفك هنا
أتمنى دوام التواصل



-=-=-=-=-


moklet-choka

شوكو ، أعتذر إن كان عزفي أزعجك
أعتذر
:/


-=-=-=-=-

a7La eNG

هلا باللي لفاني يا هلا به
^_^

تواصلج الأجمل حبيبتي

فرضت قسوة التعليقات ، لأن أول شخص قريت له هالكلمات .. زفني
!
و منعوني أكتب بهالطريقة
://

لحظة اليأس ، غالباً ما تلازمني
لذلك قلت
قريبة مني
بقربي منها
..
لا تفلسف ولا شي
جداً سعيدة بمرورج
لا تقاطعين
:*

مليت من انصاف الحلول
ذاب قلبي من الجروح
.
.
.
استوقفتني مده
انصاف الحلول تلك التي تجعلك لا تطولين ارض ولا سما،ولست هنا ولا هناك
مؤلمة
رماديه
قاسيه
.
.
كلماتك صادقه بألمها وصلت للصميم
الله يحفظج ويشرح صدرج ويبعد عنج كل ضيقه
وافا بس افا...في احد يقسى وانا هني
ترا نفزع لج افا عليج
:)

مليت من انصاف الحلول !!

اي والله ياحقوقيه ..

لا تحدد لي مراحل لا لا لا .. يا تجيني حب يا تودعني راحل ..

صح لسانج

EsTeKaNa

وأنا استوقفتني صفة الـ "رمادية" ، كنت أفكر فيها قبل فترة

صج قلبي على قلبج
:)

تسلمين يا قلبي إنتي

أدري فيج فزّاعه ، عسانا ما نعتازج من شر
:*

-=-=-=-=-


Cr8ivia

صح بدنج

وانتي بعد صح لسانج
أو ، لسان من قال
^_^