Friday, December 08, 2006
يا فرحة أيامي تعالي

أهرب من عالمي المجنون .. المشحون

" إليه "

.

.

أملأ رئتي بنسائمه المشبعة بآهات العاشقين

أحتمي برماله حيث وطأتها قلوب أتعبها الحنين

أعبث بأصداف لفظها .. كذكرى تبقى على مر السنين

.

.

أتأمله بعين طفل

أسرَه ذلك الأزرق الصافي الجميل

اعتاد اللعب على شواطئه

وجمع هداياه المتناثرة هنا وهناك

....

مترقباً لما هو أعظم من مجرد أصداف

هو ينتظر الفوز

>> بالـدانة <<

.

.

.

*************

.

.

.

لازلتُ أذكر ، اصطحابه لي بسيارته

تجولي معه على البحر

نظراتي الخجلى

وابتسامته الواثقة

سؤاله : تحبين تسمعين المسباح؟

تجيبه إبتسامتي بنعم

.

*ينشد المسباح يا فرحة أيامي تعالي

.

يفاجئني بإخراج عطر نسائي* من بين الأشرطة المخزنة بالصندوق الأمامي

ينثر عبيره على كفي

.

.

ويهديني إياه

.

.

يبقى معي ، كذكرى

لخروجنا معاً في ذلك اليوم

المخزن في الذاكرة منذ ما يقارب العشر سنوات

.

.

.

اعتدت على العطر وأحببت الأغنية

.

.

لازلتُ أذكرها

في مثل هذا الوقت ، من كل سنة

.

.

بالأمس إلتقيته

لقاء اسبوعي معتاد

.

الأسرة بجميع أفرادها مجتمعة

.

.

أقترب منه

.

.

أُقرّب منه زجاجة العطر و أسأله

تذكره

؟

ترتسم البسمة على وجه

في حين تنظر له زوجته متسائلة عن العطر

يجيبني

بيييه .. ليما ألحين عندج

؟!

أُخبره

كل سنة أشتري لي يديد ، عشان يظل معاي و يذكرني فيك

.

.

.

كما الشريط السينمائي ، أذكر سؤالي لوالدتي وإجابتها لي

يمه .. والله آنا أحبه ، شفيكم تضحكون علي

تضحك وتجيبني

لأنه خالج

!

.

.

.

.

واليوم، أنا التي تضحك على السؤال الغبي و الحب الخيالي

مع عدم إغفال

عشقي للعطر و للأغنية

والذكرى

^_*

.

.

.

عطر : جان بول غوتييه -كلاسيك *

المسباح - يا فرحة أيامي تعالي *

http://www.6arab.net/GetRamFile/singers/131.ram

 
posted by 78o8eYa at 4:16 PM | Permalink |


16 Comments:


  • At 8:29 AM, December 09, 2006, Blogger Q8ya

    احلى شيء الذكريات الحلوه ما نقدر ننساها...^___*

    ودايما فيها شغلات تذكرنا في هالذكرى...:)

    الله يخليكم لبعض..:)

     
  • At 9:45 AM, December 09, 2006, Blogger 7osen

    حلو الكلام عن البحر

    احتمي برماله حيث وطأتها قلوب اتعبها الحنين

    جميله جدا هذي الجمله

    لكن ما اعتقد ان البحر راح يعطيج الدانه
    انتظري تفوزين بسحب الدانه
    احسن من دانة البحر

    :)

    حقوقيه

    ذكرتيني في بنت اختي

    اهديتها عطر من زمان حيل اول هديه اعطيها اياها
    وللحين محتفظه بالقرشه مالته
    وكل ما يخلص تشتري واحد
    دائما لازم عندها هذا العطر

    صج صج

    ذكرتيني فيها

    الله يخليلج خالج انشاءالله

     
  • At 11:10 AM, December 09, 2006, Blogger سالفة قلب

    الله يخليه لج

    ياحلو علاقة الاهل القويه
    انا وايد احبها

    خصوصا بين الخال والعم والخاله والعمه

    الله لايخليج منه


    شنو العطر؟
    :)

     
  • At 12:30 PM, December 09, 2006, Blogger barrak

    الله يخليه لج اللهم امين
    بالنسبة لاغنية يافرحة ايامي
    لهذه الاغنيه ذكريات قديمه لاتزال تتدفق بقلبي
    وانصحك ان تسمعي لمحمد المسباح
    ياقربك لي ويابعدك في نفس الوقت
    انا غربت في ودك وانا شرقت
    ادام الله عليك الحب وصلة الرحم

     
  • At 1:22 PM, December 09, 2006, Blogger Alather

    الله يخليه لج ولا يفرقكم
    :)

     
  • At 1:27 PM, December 09, 2006, Blogger PearL

    الله يخليكم لبعض يارب

    حلوة هالعلاقة
    :):)

     
  • At 4:06 PM, December 09, 2006, Blogger moklet-choka

    الله يخليه لج

    ذكرتيني بعمي
    :)

     
  • At 4:17 PM, December 09, 2006, Blogger 78o8eYa

    Q8ya

    أهلاً بالمتصدرة الأولى
    ^_^

    اي والله الذكريات الحلوة ما تنسي
    تسلمين يا كويتية
    و ربي يخليج لعيون تغليج
    :)


    -=-=-=-

    7osen

    مو بس الكلام عن البحر حلو
    البحر كله حلو
    ..
    أعتقد إن العكس
    تنطر دانة البحر و لا منة بنك الخليج

    عندي أمل كبير بالفوز بالدانة ، الله كريم
    ;)

    ربي يخلي لك حبايب دنياك و لا يحرمك منهم

    وخصوصاُ بنت اختك
    :)
    اللي ذكرتك فيها


    ممكن أسأل شنو العطر
    ؟
    :/



    -=-=-=-



    سالفة قلب

    تسلمين لي يا أحلى سالفة قلب
    و لا يحرمج من حبايبج
    و يخليج لهم

    العطر الله يسلمج : جان بول غوتييه كلاسيك

    ^_^

    أهو قوي - عطر شتوي
    نطري عليه يبرد
    و يبين شكثر أهو حلو
    ;)


    -=-=-=-

    barrak

    تسلم ، و يخليك ربي لحبايب دنياك
    و مشكوور على أغنية المسباح ، بس شنو اسمها
    ؟


    -=-=-=-


    Alather

    و يخليج لعيون تغليج
    و قلب يرجيج
    :)


    -=-=-=-

    PearL

    و ربي يخليلج حبايب دنياج
    ولا يفرقج عنهم

    ^_^

     
  • At 4:19 PM, December 09, 2006, Blogger 78o8eYa

    choko

    تسلمين يا شوكو

    ربي لا يخليج منه
    :)

     
  • At 6:41 PM, December 09, 2006, Blogger 7osen

    انشاء الله تفوزين بسحب الدانه

    بس اقول اذا فزتي

    لا تنسينا

    :)


    العطر اسمه اورغانزا

    نفس ما يقولون اللبنانيين
    من تأدمت
    جافينشي

    :))

     
  • At 6:53 PM, December 09, 2006, Blogger 78o8eYa

    إن شاء الله أفوز
    بالدانة

    مو بسحب الدانة ، لأن بكل بساطة حسابي مو على بنك الخليج
    :)

    ولا يهمك ، لي فزت بالدانة الصجية ما راح ننساك

    تستااهل الخير كله


    خوش عطر أورغانزا
    ..

    شو مزوأ
    ^_*

     
  • At 4:05 AM, December 10, 2006, Anonymous khaled

    الله يخليه لكــم ان شاللة
    بـس الدانة واللي يعفيـج
    محتاجين لبمات للبلوق مـالي :)
    الله يفوقج ماتحبيـن بأذن الله

     
  • At 11:30 AM, December 10, 2006, Blogger barrak

    ياقربك لي
    كلمات يعقوب السبيعي
    الحان مرزوق المرزوق

     
  • At 4:04 PM, December 10, 2006, Blogger 78o8eYa

    khaled

    ويخليلك حبايب دنياك
    :)

    أفا عليك ، بس تبي لمبات
    ؟
    ما طلبت شي
    كرتون ليتات يوصل لي باب بلوقك
    ;p



    -=-=-=-

    barrak

    مشكووور ^_^

    تصدق إني سامعتها من قبل
    كالعاده ، اختيارات المسباح مميزة

    أحسه يحب بسنع و ركاده

    مشكور مره ثانيه
    :)

     
  • At 5:56 PM, December 10, 2006, Blogger Cr8ivia

    ههههه و انا اقرا ..
    i was like ooh !
    180 درجه غير اللي فبالي هههههه

    الله يخليه لج و لهله يارب

     
  • At 6:12 PM, December 10, 2006, Blogger 78o8eYa

    Cr8ivia

    LOL ;pP~
    أفاا .. احنا ما اتفقنا على جذيه
    انتي صرتي أزيد من رفيجاتي بذاك الوقت كانو يقولون لي

    تجذبين علينا هذا مو خالج هذا ... ماني قايله شنو
    :/


    "يا الله ترزقنا"
    ^
    ^
    هذي منقولة من أحد قايلها
    ;)


    و يخلي لج حبايب دنياج و يخليج لهم
    يا رب
    ^_^