أعشق المطر
!
لا أملّ من تكرار هذه العبارة ، فهذه هي الحقيقة
كم أعشق المطر
^_^
أًعيد نشر هذه الخاطرة
ربما لأن المرة الأولى لم توفيها حقها
ربما لأن لحظة كتابتها كانت متميزة
ربما لأن ذات اللحظة عادت .. وتستحق مني إعادة نشرها من جديد
أترككم مع حروف المطر
*~*~*~*
من بين المطر
تبرز لي يد ، تسحبني معاها للسهر
تلاعب قمر
تآخذني بعيد ، نرحل لذاك القدر
تآخذني بعيد ، نرحل لذاك القدر
تتوه الصور
مجرد خيال وظل يختصر كل الصور
مجرد خيال وظل يختصر كل الصور
لحظة سفر
تقرّب أو تبعد مو مهم .. المهم الاحساس اللي كبر
تقرّب أو تبعد مو مهم .. المهم الاحساس اللي كبر
يشيع الخبر
أحاول أخفي الزاير بضلوعي ويشوفه البشر
يترك أثر
غلاه واضح بدمي ،كل من شافه يقول اهني عَبَر
أحلى العِبَر
يرسلي حلو الكلام مع كل قطرة مطر
شوقه حضر
مهما ابتعد مرده كل ليله عند بابي نطَر
بليلة سمر
عيونه تبوح باللي صاحبها عليه ما قدر
يداري النظر
وأداري عنّه فرحة قليبي اللي نطر
أحاول أخفي الزاير بضلوعي ويشوفه البشر
يترك أثر
غلاه واضح بدمي ،كل من شافه يقول اهني عَبَر
أحلى العِبَر
يرسلي حلو الكلام مع كل قطرة مطر
شوقه حضر
مهما ابتعد مرده كل ليله عند بابي نطَر
بليلة سمر
عيونه تبوح باللي صاحبها عليه ما قدر
يداري النظر
وأداري عنّه فرحة قليبي اللي نطر
فرحة عمر
تذوبني ..تطيّرني ..تنسيني جفى ذاك العمر
تذوبني ..تطيّرني ..تنسيني جفى ذاك العمر
حروفي نثر
نثرتها ورود بطريج اللي سرقني من البشر
نثرتها ورود بطريج اللي سرقني من البشر
غرامي شعر
بين المحبين صار مرسال ..تداول وانتشر
بين المحبين صار مرسال ..تداول وانتشر
وما من مفر
عنّك يا مركب غرامي .. ترسي ولك بحر
عنّك يا مركب غرامي .. ترسي ولك بحر
من بين المطر
تآخذني ايدينك ، توديني معاك للقمر
نعيش السهر
تهديني نجمة ليلك ، وأحلى قطرات المطر
تهديني نجمة ليلك ، وأحلى قطرات المطر
تصدقين
أنا أذكرها لما نشرتيها أول مرة
لأني قديم هنيه
دائماً مرابط عندج
:))
الخاطره حييل حلوة
تقرا الكلام
تحس إنك تسمع صوت المطر وتشم ريحته
ياسلام على المطر
تتوه الصور
مجرد خيال وظل يختصر كل الصور
حبيت هالمعنى وااايد
خيال يختصر كل الصور
ما أجمل الخيال لما يختصر لنا كل شي نبيه
:)
شكرا لإعادة نشر هذه الخاطره المميزه الجميله
تحياتي لج عزيزتي