Friday, October 19, 2007
تحبني .. علمني




تحبني
..
؟

ليش ما تعلمني
؟
..


لوقدرت عن دروبك تبعدني
لوشفتني بلحظه يمك وما تلمني

تروي نبض غيري من حنانك وتتركني
ترمي شوقي بوسط يوفي وتتعبني

تنفي احساسي
تغرّبني بين ناسي

تحاول تكون جاسي
تمثّل إنك ناسي

ونسيت إنك أقرب من أنفاسي

نظرتك تكشف لي الخافي
حرفك المجروح ما يتلوّن .. شفافي

همس صمتك أسمعه ولو كنت غافي
دمع ليلك أمسحه ولو مني يخافي

لاتجافي

..

..

أدري إنك تحبني
ولا يمكن تتركني

بس هذا ما يمنع إنك تعلمني
..


_______________



كل يوم حبك يكبر
وكل يوم أحبك أكثر



______________




من يناظر عيوني
يلقى محبتك فيها

ومن يسمع دقات قلبي
ما لقى غيرك محتويها

ــــــــــــــــــــــــــــــــــ


بعترف بسر خاشته عنكم من زماان
كل مره أقول بعلّم على عمري
وباللحظه الأخيره أهوّن ..
بس هالمره لازم أعلّم
علشان تعذروني

..

آنا
عيوز الشابات
:$

بإختصار" زعينيفه" وصحتي على قدي
لي طحت مريضه
طحت
!

وأكثر شي أعاني منه

الضغط النازل

..

حتى من كثر ما آكل ملح
صرت مملوحه

;Pp~


كل اللي أبي أقوله ، إني بالعيد لا لبست بدلة عيد ولا عيدت
حاشتني نزلة برد قوية حكرتني بالبيت
وكملت هالاسبوع إجازة مرضية علشان أريّح جسمي شوي
بس ما خلاني الضغط أتهنى .. مره فوق وعشر مرات تحت
سامحوني لو قصرت بالعيد
بس آنا كنت تحت الكنابل وخفت لا أعادي أحد
....
:/



طبعاً ما راح تمشون بدون عيدية
حق كل اللي يبون كاكاو غير السنيكرز
واللي بخاطرهم جوائز وما قدرو يشاركوون

هذي عيديتي حقكم
وإن شاءالله تعجبكم

بالعافيه
^_*







 
posted by 78o8eYa at 12:29 AM | Permalink |


15 Comments:


  • At 5:14 PM, October 19, 2007, Blogger ReLaaaX

    اي والله صاجه مايمنع!؟
    بس ترى طرق التعبير تختلف من شخص لي شخص
    فيمكن الشخصية اللي تتكلمين عنها طريقتها بالتعبير بالافعال مو بالاقوال :)
    --

    ياااالله ارزقنا ;p
    --

    يابختهم والله يحصل لهم حقوقية تحبهم ;)
    --

    لا عيـــــــوزه ولا شي مافيــج الا العافيـــه
    وســـــلاماااااات يالغالي ســـلاااااامااااااات
    ماتشوفين شــــــــــــــر

    يابعد قلبي ماتشوفين شر مادرينا انج مريضه جان قمنا بالواجب
    ==> مادري يعني شناويه تسوي ;p

    --

    واكرمج الله على هالعزيمة ;)

     
  • At 11:37 PM, October 19, 2007, Blogger Najmah

    اي والله علمني :(

    =======


    سلاماااات سلامااات يالغاليه ماتشوفين شر اجر وعافيه ان شاء الله



    وخوش عزيمة والله تسوى الله يعطيج الف عافيه

     
  • At 12:25 AM, October 20, 2007, Blogger الوجد

    مشاعر مخفيه لكنها حلوة



    دمت بكل الحب ودام لك من تحبين




    سلامتك من كل شر


    كثير حلوة العيديه

     
  • At 10:11 AM, October 21, 2007, Blogger 78o8eYa

    ReLaaaX

    هلا وغلا :*
    حياتي انتي
    تسلمين لي

    الشر ما إييج ولا يعتّب بابج

    وعليــكم بالعافيه ، بيتج ومكانج

    حياج الله يا الغاليه
    ^_^


    -=-=-=-=-


    Najmah

    أهلييين وسهلييين بالنجمة
    ^_*

    ربي يسلمج ويعافيج

    عليج بألف عافيه
    :)


    -=-=-=-=-

    الوجد

    حيا الله الوجد :)

    شاكره لج مشاعرج الطيبه
    والله يسلمج من كل شر

    عيونج الحلوه ، مشكوره :)

     
  • At 2:32 AM, October 22, 2007, Blogger بـابـل

    تروي نبض غيري من حنانك وتتركني)
    ترمي شوقي بوسط يوفي وتتعبني

    تنفي احساسي
    تغرّبني بين ناسي

    تحاول تكون جاسي
    تمثّل إنك ناسي

    ونسيت إنك أقرب من أنفاسي

    نظرتك تكشف لي الخافي
    (حرفك المجروح ما يتلوّن .. شفافي

    صباح الخير عزيزتي /حقوقية

    كلامك حيل مؤثر وفيه معاني عميقه

    حيييل عجبتني هذي المقاطع المكتوبه بصدق




    حتى من كثر ما آكل ملح)
    (صرت مملوحه
    هههههههههههههه



    بس آنا كنت تحت الكنابل وخفت لا أعادي أحد


    سلامتج الله سلامه أجر وعافية


    بوست أنيق وشاعري

    تسلمين عزيزتي ومشتاقين لمثل هذى المشاعر الحلوة


    وبس



    بابل

     
  • At 11:39 AM, October 22, 2007, Blogger 7osen

    شعور صادق جداً
    وكلمات معبرة

    لكن ما تعتقدين إن إللى يحب ما يحتاج يقول

    الحب باين
    من غير حتى ولا كلمة

    :

    من يناظر عيوني
    يلقى محبتك فيها

    ومن يسمع دقات قلبي
    ما لقى غيرك محتويها

    الله
    تسلم الأنامل إللى اكتبت هذي العاطفة الرقيقة

    **
    وسلامتج وما تشوفين شر
    إن شاءالله أيامج كلها أعياد

    وحلوة هذي من كثر الملح صرتي مملوحه
    ضحكتيني

    أنا راح أخذ من العيديه
    شكلها حده عجيييب

    مشكورة عزيزتي

    وماتشوفين شر

     
  • At 9:06 PM, October 22, 2007, Blogger جنون إحساس

    سألتك بالذي حطك على راس المحبة تاج
    تحبني ولا تتسلى بأحاسيسي ووجداني
    وتحتاج لغلا قلبي مثل ما أنا لك أحتاج؟
    أو إني بعد ما أفارق حدود الشوف تنساني

    --


    سلااامتج ماتشوفين شر
    ^_^

    ماحب الورد بس هاج
    (F)

     
  • At 9:53 PM, October 23, 2007, Anonymous khaled

    ماتشفــوين شـر أن شاللة
    وأجر وعافية

    ترا أخذت الكاكاو أخر وحده علي اليميـن شكـله مرتـب :)

    مـو ندور الكشخه قبل الطعم

     
  • At 4:26 PM, October 24, 2007, Blogger sologa-bologa

    أنا فيني سكر مافيني حيل على الحلويات
    لكن انا ضعيف جدام الحلويات
    وما اتحمل اشوف حلو وما أهبس
    :)

    ودمتم بحب ومحبين دائما

     
  • At 11:56 PM, October 24, 2007, Blogger 78o8eYa

    بابل

    مساء النور والسرور
    هلا بابل
    ^_^

    اعجابك بكتاباتي المتواضعة شرف كبير بحقي
    عاجزة عن الشكر
    ..
    مدونتكم تفيض أناقة وشاعرية لا يمكن منافستها
    :)
    ربي يحفظك من كل شر
    تسلم يا اخوي ما قصرت
    الحمدالله ،غدا شرنا إن شاء الله :)
    وهالكتابات ما تطلع إلا لي زارتنا الست "إلهام" .. فـ إحنا على الله وعليها
    راح أبلغها تكثّر زياراتها
    ;P


    ما أجامل لي قلت، مرورك يسعدني
    فـ شكراً للتواصل

    -=-=-=-=-

    7osen


    "أيها العاشق الجميل" ، مثل ما كتب العزيز سلوقا
    ^_*

    أحياناً القول يطرب القلوب فـ نحتاج أن نستمع ونستمتع بكلام مشحون بالحب

    لا يمكن نكران أهمية الأفعال
    لكن تظل الأقوال
    لها وقع خاص
    ..
    :)

    وأعتقد بأنك أدرى
    ^_*
    فـ حروفك الملتهبة التي تمتعنا بها
    خير دليل على أهمية التعبير

    ...

    ربي يسلمك ويخليك
    لعيون تغليك

    مايحتاي أقول شكثر مرورك يفرحني
    وتعجبني دقة ملاحظاتك
    وتعليقاتك المطولة

    حياك الله ،ولا تباعد
    :)

    -=-=-=-=-

    جنون إحساس

    هلا وغلا
    بالغالية
    :*

    ربي يحفظج ويخليج
    تسلمين لي حبيبتي
    ومشكووره على الورده، ريحتها عجيييبه
    ;D
    بس أول مره أشوف بنوته ما تحب الورد .. عسى ما شر ، عاد أهو قايلي إنه يحبج
    ^_*

    روعه الأبيات المرفقة، ممكن أعرف كاتبها/كاتبتها

    نوّرنا هالمرور الحبيب
    :)

    -=-=-=-=-

    khaled

    حيا الله أخوي خالد
    :)
    ربي يسلمك ويعافيك
    مشكوور وما قصرت

    بالعافيه آخر وحده على اليمين ، المرتبة
    عدل شغلك .. لأن العين تعشق قبل القلب أحياناً
    أو
    العين تآكل قبل المعدة أحياناً
    ;Pp~

    آنا ملزومه أعتذر لك على تقصيري
    ربي يعلم شكثر أعتز بمدونتكم
    وشكثر استمتع فيها
    لكن بالفترة الأخيرة من غير قصد، ممتنعة عن التعليق :$
    وإن كنت متابعة من ورا الكواليس ...
    وأوعدك بتعقيب يسرك - إن شاء الله
    :)

     
  • At 12:11 AM, October 25, 2007, Blogger 78o8eYa

    sologa-bologa

    بكل صدق أقولها

    "عمرك طويل"
    ^_^

    كنت أنوي السؤال والإطمئنان لكن وجودكم فرحني وطمنيّ

    لاتخرعونا مرة ثانية
    ;p
    والحمدالله على السلامة مرة ثانية
    :)

    أفاا ، سلامتكم من السكر
    ولازم تديرون بالكم على صحتكم
    (تدخين+سكر) ..
    كلش مو خوش طبخة
    :/
    خلاااص
    قررت أشيل كل الحلو اللي تارس البلوق
    وأهم شي كرتون السنيكرس

    ما ودنا لكم بالمضره
    حافظك الله

    ودمت بكل الخير

     
  • At 7:47 PM, October 25, 2007, Blogger U_SF

    سلامات انشالله وما تشوفين شر ^_^

    مشكوره عالعيديه :p

    ادري قاطع ومتأخر بعد .. السموحه :$

     
  • At 11:43 PM, October 26, 2007, Blogger 78o8eYa

    U_SF

    ربي يسلمك ويعافيك
    غدا شرنا إن شاء الله :)

    والعفو ولو ، الزين يستاهل الزين

    مسموح يا اخوي، الدنيا تلاهي
    ندري فيك واصل وما تقصر

    وحياك الله بكل وقت
    ^_^

     
  • At 3:20 PM, October 27, 2007, Blogger qesat_5ayal

    سلامات ما تشوفين شر
    وأجر وعافية


    جيت أواسي نفسي بكلمات الرقيقة
    جيت وكلي لهفة
    وأثاري كلمتك تزيد اللهفة فيني


    مادري شفيني
    بس فيني وله
    :P


    مقبول الككاو لعشاق الككـاو
    وعيدج مبارك
    :Pp
    كيفي للحين أعيد


    أمس معيدة على وحدة بعد
    :)

     
  • At 12:27 PM, October 28, 2007, Blogger 78o8eYa

    qesat_5ayal

    حيا الله خيال :)
    ربي يسلمج ويعافيج من كل شر يا الغالية

    الوله دايم الدوم فينا
    إن رحنا وإلآ جينا
    ما ننسى أراضينا
    ولا نسلى عن محبينا

    ^_*

    بألف عافيه الكاكاو ، وعسى دوم أيامج أعياد
    :*