اللهم أنت الأمجد ولك أسجد ، ويدي لك أمدد
أن تحفظ أناس أحبهم فيك
فاشهد .. يا حي يا قيوم
وظللهم بالغيوم
وأبعد عنهم الهموم
..
سألتك ربي ثلاثاً
في الجنة أسكنهم
ومن النار أبعدهم
ورمضان يا رب ، تفبله منهم
*مسج الجمعة – هديتي لكم*
^_^
أن تحفظ أناس أحبهم فيك
فاشهد .. يا حي يا قيوم
وظللهم بالغيوم
وأبعد عنهم الهموم
..
سألتك ربي ثلاثاً
في الجنة أسكنهم
ومن النار أبعدهم
ورمضان يا رب ، تفبله منهم
*مسج الجمعة – هديتي لكم*
^_^
************************
لما أتذكر أول بوست انكتب اهني
وشعوري لحظتها
..
أبتسم
كان كلام عفوي طالع من القلب
من غير ترتيب
كل اللي كنت أحسه كتبته
وابتسامه شقاقيه على الويه لما شفته مرتز بالبلوق
كانو جم سطر ، مع وردة حمرا
وصورة خطوات يمها كرسي مغمور بالثلج
ذاك الوقت ، رغم ان نفسيتي كانت تعبانه
وانقطعت فتره عن البلوق بعد أول بوست
لكني رديت ، وبقوه
اضحك على جرحي
وأمشي ولا أحد يهمني
كل اللي عندي دونته وحفظته
أحلى وأقسى مشاعري عرضتها
وبكل أحوالي كنت من داخلي مرتاحه
مرتاحه بيني وبين نفسي
مو زعلانه من عمري
راضيه على روحي
لما أقارن بين أول والحين
ألقى إني مو آنا
!
متغيره على نفسي
وفيني شي مضايقني
مضايقتني عصبيتي على عمري
كاسره خاطري روحي
من طبعي اني هاديه ، وأتحمل
بس بالفتره الأخيره أحس ما فيني صبر
وهدوئي مختفي
هالوضع بيني وبين نفسي
لأن بيني وبين العالم غير
..
من صغري تعودت إني أخش اللي فيني وما أطلعه حق أحد
ما يطلع إلا عند جم شخص بس
وكلهم بعدو عني ، وظروفهم إهي اللي ابعدتهم
ما بين موت وأنانية ومزاجية
ظليت بروحي
كالعاده
طول عمري بروحي
وآنا تعودت اني أظل بروحي ومو هالشغله إهي اللي مضايقتني
كثر ما مضايقني
"اني صايره أجرح بروحي من غير ما أقصد إني أجرحها"
..
..
فاقده القعده مع نفسي والهدوء اللي كان بينا
فاقده مكان كنت أرتاح له ، وعشت أحلى أيام عمري فيه
فاقده شخصية غيرت حياتي وبوفاتها انقلبت الدنيا بعيني
فاقده عفويتي واحساسي
..
..
..
لأني أدري بعيون تراقبني ، ينخش الكلام عني
ما اعرف أسوي شي وأحد يراقبني
..
و
عين عن عين تفرق
في عين تراقب علشان تتصيد
وفي عين تراقب علشان تساعد
وفي عين تراقب علشان تراقب
!
عفيه يا اللي تطالعني من بعيد
غض النظر عني
مو كافي إني وحيد
من البوح لا تحرمني
..
..
..
..
..
..
