Wednesday, September 19, 2007
رمضانيات

أخرج من المنزل و إشراقة باسمة
سعيدة بيوم جديد
..
تتهادى بي السيارة في الطريق المعتاد لمركز العمل
ألتفت لمن حولي مستغربة انتشار النظرات العابسة
و العيون النائمة الحالمة
يصادفني اختناق مروري اعتدت عليه
وبعد مرور فترة يختفي ثم يظهر من جديد

لا يترك أي أثر على بداية يومي
حيث أصل قبل الوقت المحدد بدقائق

أنشر ابتسامتي على الجميع
وتكون الافتتاحية ، بذكر مقطع من المسلسل الكرتوني (فريج) ومعاناة الخياط "مشتاق" في ليلة العيد مع الحريم
حيث تتداخل الضحكات والذكريات من قبل زميلتي بالمكتب

وكالعادة ، تتدخل إحدى الزميلات لتذكرني بأن ضحكتي مميزة
ابتسم لها مرددة: الله يتمم عليّ ..
^_*

في نهاية عملي ، نقف بطابور منتظم ننتظر إثبات خروجنا من المركز
ونتأخر ربع ساعة إضافية في انتظار وصول مصعد يصل بنا إلى حيث الباب الرئيسي
وتبدأ حرب الشوارع ..

لا قواعد مرورية
ولا آداب عامة

الكل يسابق الكل

وكأنه يوم الهروب الكبير ..

عدم الذوق و العجرفة بالقيادة
يسلب هدوئي
ويثير أعصابي

مابين قيادة متهورة
وقيادة منوّمة "تتسحب" ..


أحاول الصبر
لكن
أفشل
..

وأفقد السيطرة في محاولة يائسة لاستجماع تلك القدرة المفقودة على التحمل



أصل إلى المنزل بوقت متأخر جداً عن المعتاد
مشحونة كالقنبلة الموقوتة
بانتظار من يطلق لها عنان الانفجار

..
..
..

أحاول أن أجد حل للمشكلة الأزلية

أدرك تماماً أن هذه الأزمة يعاني منها الجميع
وبأن جميع المحاولات لحلها أو للتخفيف منها
باءت بالفشل

لكني أعتقد بأن نصف الحل بيد قائدي المركبات على اختلاف أنواعها


فاحترام قواعد المرور
مقرون باحترام الآخرين

حيث يساهم بشكل كبير في الحد من هذه الظاهرة



لو كل واحد التزم بـ حارته ، والخطوط الأرضية

لو كل ملقوف ما اهتم ومشى عن حادث صاير

لو كل حرمه عليميّه قعدوها بالبيت وفكو الناس من بريكاتها

لو كل سايق عطوه سياره تتناسب مع مستوى سياقته

لو كل مستهتر سحبو منه سيارته وريحو العالم من شره

جان احنا بخير
وشوارعنا بخير

نروح ونرجع بيوتنا
سالمين .. غانمين
لا منفسين ولا معصبين



وصدق من قال :

"الكل ميانين يمشون يمك ، مافيهم عاقل إلا انت "

الله يصبر قلبي ..
!
:/


* ما أنسى دور وزارة الداخلية والأشغال والادارة العامة للمرور في حل المشكلة ، لكن كل مواطن ومقيم له دور بعد ..


________________



أحدث وسيلة للطراره على البيبان

كيس يحتوي على

ورقة تشرح الوضع المالي للشخص
مذيلة بأكثر من رقم هاتف يمكنك من الاتصال به والاستجابة لطلبه

+

علبة عسل هدية

+

كتيبات دينية وأذكار الصباح والمساء

=

قبل أذان المغرب بقليل ، اطرق باب البيت المنشود واترك الكيس عند الباب الرئيسي
وأسرع بالرحيل قبل أن يلمحك أحد

وستجد الاتصالات تنهمر عليك


....

لي متى الاستخفاف بالعقول
واستغلال الشهر الفضيل
؟!



 
posted by 78o8eYa at 12:11 AM | Permalink |


9 Comments:


  • At 1:43 PM, September 19, 2007, Blogger الأستاذ بلاليط

    مبارك عليج الشهر الفضيل

    ماشاء الله عليج كفيتي ووفيتي

    الكل يسهر و الكل الصبح عابس الوجه

     
  • At 4:31 AM, September 20, 2007, Blogger بـابـل

    صباح الخير أختى / حقوقية

    هذي معاناة كل الناس بالكويت


    تسلمين عزيزتي على البوست الحلو


    وبس




    بابل

     
  • At 10:07 AM, September 20, 2007, Blogger 7osen

    مرحبا

    حقوقيه شلونج

    تصدقين عاد أنا أكثر شي أعاني منه الزحمة

    صج يعني شي حده يقهر

    والناس اللى ماتحترم القوانين والأوادم إللى جدامها هذولي مالهم حل

    وأهما السبب الرئيسي بالزحمة

    بس الزحمة لها فايدة بعد تعلم الصبر
    :))

    أقولج شنو الحل

    أحسن شي نروح الدوام بطيارة

    أنا طيارتي للحين بالسيرفس مادري متى تخلص

    :)))

     
  • At 5:25 PM, September 20, 2007, Blogger ReLaaaX

    يالهـــــــــــوي ياخرااااااااااااشـــي


    لا تخافين تظل فيه فئة مثلج تحترم قوانين المرور .. المشكلة باللي ماينفع معاهم لا الحجي ولا المخالفات ولا الاشارات ولا شي !؟


    الحمدلله والشكر متى يتعلمون؟
    للأسف ماراح يتعلمون


    ---

    والطرارة !؟
    استغفرالله ياربي بعد مايندرى العسل عسل والا فيه شي !؟
    قطوووه الله يخليج مايندرى استغفرالله شفيه والا شداخله

     
  • At 3:52 AM, September 21, 2007, Anonymous khaled

    نعم كانت رمضانيات حقيقة
    وواقعية
    رسمتي مايدور من الشعب الصايم

    :)

    ديربالج علي روحج عيل بالسيارة

     
  • At 3:32 PM, September 21, 2007, Blogger 78o8eYa

    الأستاذ بلاليط

    علينا وعليك يتبارك الباقي من الشهر
    مشكوور ياخوي
    :)


    -=-=-=-=-

    بابل

    صبـــ مساء ــاح الخير
    ^_^

    حيا الله من يانا ، زارتنا البركه
    :)


    -=-=-=-=-


    7osen

    هلا والله، بخير عساك بخير :)

    قصدك الزحمه تذبح الصبر
    ! ..
    آنا قررت اني آخذلي وحده من الحفيز
    بلا سيرفس وعوار قلب
    ;Pp~

    -=-=-=-=-

    ReLaaaX

    أهلاً أهلاً مس ريلاكسيشون
    تصدقين عاد ، طول الطريج وآنا أقول
    :
    لازم أصير ريلاااكس
    ^_*
    بس هم ماكو فايده
    :S
    ..
    ..
    الله يعين


    لاتوصين حريص، محد كلا منه شي والموقف صار حق بيت جيرانا اللي ما يطلطلون
    ;p

    حياج الله حبيبتي :)


    -=-=-=-=-

    khaled

    أهلاً وسهلاً ^_^
    إن شاء الله ربي يحفظني ، وأدير بالي بالسياره
    ولو إن سياقتي هالأيام متهوره
    :$
    مشكور وما قصرت

     
  • At 10:41 PM, September 21, 2007, Blogger a7La eNG

    مبارك عليج باجي الشهر
    :***
    .
    .
    اقرى و اقول ما شالله عليهااااا
    نفسي بالضبط ... صباحاااا فقط
    ;p

    اتبوسم و اطووف الناس و الدنيا بمبي
    بس
    الظاهر المشكلة في طلعة الدوامات
    !!
    ما يخلونا نعيش بهارمونينا الصباحي

    :D

    و هم ما احس يلوق عليج تعصبين ما ادري ليش بس مو لايق
    .
    .
    المحتاج شلون شرى العسل
    ؟؟؟
    و من يدفع له حق خطووووط الموبايل
    ؟؟؟

    والله المحتاج صج تلاقينه متعفف
    الله يفج ضيقة كل مسلم يااا رب
    .
    .
    بوست سيريلانكاااا عجييييييييييييب

     
  • At 11:38 AM, September 24, 2007, Blogger 78o8eYa

    a7La eNG

    هلااا وغلااا
    :**

    يا حيا الله من يانا
    منوّره
    ^_^

    علينا وعليج يتبارك الباقي من الشهر حبيبتي

    ايه يا وخيتي ، طلعة الدوامات هذي قردنا اللي ما راح نقدر ننحاش منه

    أهو صح ما يلوق علي أعصب ، بس صايره أعصب
    وأعصب
    وأتحلطم بعد
    !
    :/


    بوست سيلان ، كان بيكون أحلى بالصور بس شسوي فيهم ما رضت تنزل إلا وحده
    :(

    مشكوره حياتي وما قصرتي، لا تقاطعينا
    وتتغلين علينا

    حياج الله ^_*

     
  • At 11:39 AM, September 24, 2007, Blogger 78o8eYa

    غلطة مطبعية
    :-
    *قدرنا*

    :$$