.. همس الصمت ..

تجدون هنا بقايا بوح وهدايا جروح وعطايا روح ... بين الهمسه و البسمه تبرز بالسطر دمعه ، بين حبر القلم و جمر الألم تنصهر شمعه ---------- *Note:- Saw elly yraY7ek o ma 3laik men elBashar !

Monday, February 19, 2007

كلمات ، ليست كـ الكلمات

أن تكون حروفك هي نبضاتك

..
همساتك

إذن

هي جزء منك

لا أعتقد بأنك سـ تنساها بمجرد مرور فترة من الزمن على ولادتها بين أناملك

....

أن يتم إعادة إهداء ما كتبت

" لـــــكــ "

مره أخرى ، أعتقد بأنها أبلغ رسالة مفهومة
كونها نابعة من اعماقك

:
:
:

أستقبل رسالة عبر الأثير
في فجر إحدى الأيام الماضية

هذا نصها

في ناس
لو مهما الأيام تفرقنا عنهم
تحس .. بقلبك
وبروحك إنك معاهم

في كل لحظه تمر عليك
لازم تذكرهم

ما تقدر تقاوم هـ الإحساس
لما تناظرهم

ولو مهما صار منهم

يبقون أغلى الناس

مو مهم ، إن الزمن فرقنا

المهم ، إنا بـ نلتقي

وبـ ترد ضحكتنا
و سوالفنا

دمعتنا
و قعدتنا

وبـ نتذكر كل اللي جمعنا
وعمره ما ينسي

.....

يليها رساله أخرى ، مضمونها ..

M I S s U

.....

الكلام المكتوب ، كلامي
أميزه ولو بعد عقد من الزمان

كتبته لشخص عزيز جداً في مناسبة لا زال صدى مفاجأتها يحضرني

ولكن

من قام بإعادة إهدائها لي شخص آخر

عزيز و غالي و بعيد عن عيني
لكنه بقلبي رابي

تم الرد عليه هناك ، بنفس مكان إرسال الرساله

وأود أن أعيد الرد هنا
بإسلوب آخر

:
:

آه لو يسمح زماني

ما أبي أكثر من ثواني

حتى لو كانت أماني
**** مستحيل إنها تصير

يكفي أشوفك بـ منامي
**** أو في خيالي مثل طير

يغرّد على أغصاني
**** وبعدها له يوم و يطير

وين طاير مو مهم
**** المهم إنه بخير

آه لو يسمح زماني
**** وترجع يا طيري ثاني

صدقني يا أعز خلاني
**** دنياي معك إنت .. غير

---------------------------

اهداء على الطاير

لو قلت بـ أبتعد .. تعتقد أقدر أنساك

ولو قلت لي أحترق .. تظن بـ ايدي أطفيك

مهما يا خلي ابتعد ، يبقى بنبضي هواك

ومهما طال فينا الهجر .. بـ أبقى أناديك

بـ ماي عيوني
وراحة جفوني
و بـ روحي أفداك

ونبض قلبي
ونور دربي
وكل عمري
أهديك

********

EnG-Q8iya

iS celebrating the SiLver JubiLee

HaPpY 25 Sis ^_*

join the club ! ;p

this Dedicated 2 U

كل عام وانتي .. هَنا روحي

كل عام وانتي .. بلسم جروحي

كل عام وانتي .. إلهام بوحي

كل عام وانتي .. فرحي

كل عام و انتي .. يمي

كل عام وانتي .. اختي

كل عام و انتي

.....

>> انــــــتـــــــي <<

posted by 78o8eYa at 6:56 PM

| Permalink |

21 Comments:

At 1:04 PM, February 20, 2007, PearL

صج كلمات ليست كالكلمات
اكيد لما الشخص يكتب شي
يكتب جزء من قلبه
صعب ينساه

ويظل يذكر الموقف اللي قال فيها الكلمات

سالفة ان انهديتي كلمات من قلبك من شخص غير الشخص اللي اهديتيه
شي وايد حلو
لان كلماتج مو بس الشخص اللي اهديتها له يتذكرها

لكنها اثرت بشخص غيره

شي وايد حلو
:) وكلامج وايد حلو
At 3:27 PM, February 20, 2007, الاء سعود المجيبل

آآآآه يا حقوقيه جنج حاسه فيني توني قاعده اقول بيني وبين نفسي انا ابي بس ثواني عشان اشوفكم واتهنى بكلمة وحده منكم جبالي...:(

كلامج عور قلبي والله ...:(
At 6:17 PM, February 20, 2007, 78o8eYa

PearL

شكراً على هـ الاطراء
وأكيد مرورج الأحلى

شكراً يا اللولو ^_^

****

Q8ya

سلامتج من الـ آه
!
وسلامة قلبج

أفااا و الله .. بيعينا بالسوق يا وخيتي

اسم الله عليج و على قلبج
..
At 8:28 PM, February 20, 2007, 7osen

كلمات جميله

كلماتج دائما تتميز انها السهل الممتنع

مفرده بسيطه معنى عميق

هاديه ومعبره

تسلم ايدج على هالكلام

***

وكل عام وصديقتج بخير

انشاءالله العمر كله
At 3:02 PM, February 21, 2007, sologa-bologa

وهذا اهداء مني للغايب عساه يعود

الله يرد اللي طاير
ويفرّح قلوب أحبابه
يرتاح الفؤاد الحاير
والعين تقول يا هلا به

كلماتكم جميلة وخواطركم أجمل

أطلب من رب ٍ سميع
يحفظ الحب الرفيع
اللي يشتري ما يبيع
ودايم الدوم في ربيع

ودمتم بحب
At 4:06 PM, February 21, 2007, Anonymous

kel3aam o e7na TOGTHER !

ENG-Q8iya
At 10:00 AM, February 22, 2007, Anonymous

and shokran 7osen maatga9ir :)

wenta eb5air o 9e7a o sa3aada..
At 2:23 PM, February 22, 2007, Anonymous

هنـاك كلمـات تبقي بالذاكرة
اذا خرجت مـن القلب الي القلب
ولا تنسي
..............
متأخرة بعض الشي
كـل عام وانتي بخيــر
بمـا أنـي تأخـرت كثيـراً
At 3:39 PM, February 22, 2007, 78o8eYa

7osen

شكراً لك
:)

الأجمل أكيد رقة تعابيرك

ربي يسلمك من كل شر

***

تسلم وما تقصر
أعتقد بأن التهنئة وصلت و تم الرد عليك من قبل صاحبة المناسبة في الأسفل

^_*

-=-=-=-=-=-

sologa-bologa

تسلم يا سلوقا على هالاهداء الجميل جداً
احنا ما نطلع شي يم كتاباتكم

دمت بكل ود

-=-=-=-=-=-

EnGi

Enshalla DOoOM ToGether ! ;)

-=-=-=-=-=-

khaled

مفرحة طلتك بعد غيبة
فـ أهلاً و سهلاً

وانت بخير
شكراً

"لا تأخير ولا شي"
:)
At 1:16 AM, February 23, 2007, afyaa2

كلمات ليست كالكلمات ..

نعم ..
احيانا نسمع الكلمه من انسان ولا تهز بنا قدر انمله من المشاعر ..
ونسمعها او نقراها من آخر فيكون لها وقع اللحن الشجي على النفس.
ودمتي
At 8:00 PM, February 23, 2007, Anonymous

مهما يا خلي ابتعد ، يبقى بنبضي هواك

ومهما طال فينا الهجر .. بـ أبقى أناديك
...
روعـــــة
سلمت اناملك الرائعة
:)
At 8:43 PM, February 23, 2007, Nescafé

حدي حبيت البوست والكلمات اللي فيه
احس بالكلمات احساس موطبيعي
صدق وشفافيه وحب.. تخيلي يجتمعون مع بعض
At 11:51 PM, February 23, 2007, سالفة قلب

رائع ماكتبتِ

الله لايفرق بينكم
At 1:33 PM, February 24, 2007, ReLaaaX

مااحب ادش وماارد عليج :))

عجييييبه يا حقوقيه .. وعجيييب احساسج ^_^
At 3:21 PM, February 25, 2007, 78o8eYa

Sarah

الرائع مروركم الكريم
شكراً على الاطراء
ونتمنى دوام التواصل
:)

-=-=-=-=-=-

Nescafé

أهلاً ومرحباً
^_^

آنا اللي حبيت كلامج
مشكوره حبيبتي
:)

-=-=-=-=-=-

سالفة قلب

رائع تشريفكم لي بزيارة
:)
..
لا تقاطعينا يا الغاليه

آمين ،و لا يفرقكم عن حبايبكم

-=-=-=-=-=-

مس ريلاكسيشون

ريلاكسيشون عندنا ، يا مرحبا
يا مرحبا
^_*

حيا الله من يانا

تسلمين لي
كله رافعه من معنوياتي ، مشكوره وما قصرتي
:*
At 3:50 PM, February 27, 2007, Alather

رقيقة كصاحبتها

:)

تعجبني

سلامي المكلل بالود
والشوق للغالين
: )
At 10:01 PM, February 27, 2007, Cr8ivia

كالعادة استمتع بقراءة بوستاتج

و كل عام و انتي بخير يا احلا انج
At 12:28 PM, March 01, 2007, 78o8eYa

Alather

هلا وغلا

تسلمين لي يا الغاليه

ربي لا يحرمني من رقة كلماتج

ترا ناطرين الرده
^_^

وفي سلام يايج بالطريج ، ما أدري وصل وإلا بعد
؟
..

لا تباعدين
:)

******

Cr8ivia

أهلاً وسهلاً
^_^

نتمنى لكم دوام الاستمتاع
:)

وصلت التهنئة .. فـ شكراً عزيزتي
At 8:04 PM, March 02, 2007, ReLaaaX

حقوقيه ترى عندج وااااجب ينطر حلج :))))
At 7:05 PM, March 03, 2007, 78o8eYa

ريلاكسيشون

إن شاء الله أبله
بـ نحل الواجب

ومشكوره على ادراجي ضمن أسماء المقاريد
;Pp~

SOon enshalla ^_*
At 3:46 PM, March 16, 2007, جنون إحساس

من أجمل الكلمات تلك التي تكتب
بأحاسيسنا وليست بأناملنا فقط

=) بوست شفّاف