Saturday, June 07, 2008
" سر الوردي الهيلقي "
بشدة يُحاول قضم حصته من فاكهة الصيف الأثيرة
"الرقي"
..

..
حاله من حال الكبار

عن نفسي
لا تستهويني
ولا يمكنها أن تثيرني
بأي حالة كانت
مكعبات
نجوم
أو حتى عصير

لا أطيق رائحتها
!
:/
هل من حل .....

------------------------


كنت ومازلت قارئة نهمة
تغريني الحروف
فلا أملك سوى تأملها بكل شغف
أقلب الصفحات
أكون بين السطور
أحاول أن أجد لنفسي موقعاً يمكن اعرابه
وأتأمل حالتي المكتوبة
أقرأُني .. وأتذكرك
ويكون السؤال:
كيف يمكن لأديب مثلك
أن يستعصي عليه حل لغز قصة قصيرة مثلي
..
..
؟!

-------------------------



شقيقتان تفصل بينهما أربع دقائق فقط
الكبرى موضي
والصغرى مريم

لشدة ولعي بالفتيات الصغيرات ، كانت زيارتهما لي تمتد لساعات وساعات
نقضيها في غرفتي بين اللعب والمرح
أسترجع طفولتي معهما فأكون الطفلة الثالثة بالغرفة

وفي يوم
كانت زيارتهما مختلفة ، منتهى الأناقة الوردية
فستان أشبه ما يكون بفساتين الدمى
متزينتين بقلائد وحُلي ذهبية
معتمرتين تيجان الأميرات
وكل واحدة منهما تحمل بيديها الصغيرتين حقيبة يد للسهرة

كل منظرهما يوحي بحفلة تنكرية
وقبل أن أسأل
بادرتا بالسؤال:
شرايج بالوردي
"الهيلقي"
؟

طبعاً انفجرت ضاحكة على الوصف
فقد كانت تلك الأناقة تُنتسب للمدرسة الهندية-مع إحترامي لها
لم أشأ إحراجهما
لقناعتهما الممزوجة بالثقة الشديدة بما يرتديان

شـ هالكشخه ! وااايد حلوين ، أبي مثلكم ..
;p

وبمجرد مغادرتهما منزلي، هاتفت والدتهما لأستفسر عن سر الوردي الهيلقي

فكان الجواب

ذبحوني بالحنه يبون هدوم عرس ، وتاج وقلوب ذهب
خذيتلهم من (بيت أولادنا) النفانيف على دينارين ونص
والتيجان والذهب الله يعافي الهندي
مو تقولين لهم من وين شاريتهم، ما عندهم خبر

وعلشان يستانسون قلتلهم : الله شـ هالوردي الهيلقي
!
ما يدرون شالسالفه، على بالهم مادحتهم
وحدهم مستانسين ومكيفين وهذا أهو المهم
;)


ضحكنا مطولاً على الابداع
كما فكرت مطولاً بحكمة الأم

الوردي الهيلقي، قد يكون
هدف
فكرة
مشروع
طموح

قبل أن نقدم عليه، ونواجه به المجتمع
علينا أن نؤمن به
ونقتنع نحن به
قبل أن نقنع به الآخرين

ومهمة إقناعهم ليست بالضرورية
فما نؤمن به ونريده يأتي بالمرتبة الأولى


ويعيش الوردي الهيلقي
^_*

--------------------------------------






لمن يهتم بأخبار صحتي العليلة

النتائج مطمئنة نوعاً ما

تحليل الدم جيد جداً
وإن كانت هناك قابلية لإرتفاع كوليسترول
!!
هذي وايد صدمتني .. أحس توني صغيرة على هالسوالف
:/

فحص النظر فاجأني بإنخفاض ربع درجة مما يلزم معه عدم إجهاد العين والإهتمام بالإضاءة أكثر عند القراءة


جميع الأعراض السابقة من إجهاد وصداع ودوخة
ثبت شرعاً أنها
أعراض

"صداع نصفي"


يجب الإهتمام بنوعية الأكل وساعات النوم
وعدم الإجهاد الجسمي و النفسي
وأهم مافي الموضوع

"لحد يزعلني"
..
..
..

 
posted by 78o8eYa at 5:10 PM | Permalink |


15 Comments:


  • At 7:19 PM, June 07, 2008, Blogger الزين

    بالنسبه لي انا بعلق اول على الجزئية الأخيرة

    ما عاش من يزعلج
    علميني وانا اعلمه شغله

    :**

    والصداع النصفى مرتبط بالكوليسترول

    وهم مرتبط بالضغوط والأعصاب والقلق

    بسطي الأمور ولا تشيلين هم شي ما تقدرين تغيرينه

    حبي الحياة واستانسي واستمتعي حد ما تقدرين

    بتلاقين كل هذا راح

    ::::

    ما تحبين الرقي!!!!!

    عادي انا ما احب المانجا

    @@

    بس احب الرقي
    خصوصا اذا كان بارد وتوني يايه من بره

    :::

    صار لي مده مبطله قرايه
    مدري شقصتي

    كل ما ابلش بكتاب اقرا صفحتين ثلاث واتركه

    عندج حل حق حالتي

    وعلى فكره المرأة دائما وابدا تشكل لغز بالنسبه للرجل

    فلا تحاولين تفهمينه
    ماكو فايده

    ::::

    ويااااااازين الوردي الهيلقي

    امهم شاطره عفية عليها

    عجبتني


    القناعه والثقه
    هذا السر

    لما تشوفين وحده مهلقه وماشيه ولا هامها

    كله قناعه وثقه
    زايده شوي

    بس ثقه

    حبيت البوست كالعاده

    وسلامتج يالغلا

    :**

     
  • At 9:20 PM, June 07, 2008, Blogger Mamloo7a Q8ia

    هههههه .. لا حل
    مو مجبوره تاكلينها اذا ما تحبينها فواكه الصيف وايد

    حلوه الوردي الهيلقي
    ههههههههههههههه
    يحليلهم الله يخليهم لكم


    وسلامات وما تشوفين شر
    حطي بالج من الكوليستروول
    ولا تستهينين فيه
    وانتي حبي نفسج كثر ما تقدرين
    ولا تزعلينها

     
  • At 2:29 AM, June 08, 2008, Blogger Broke

    ما يصير ما تحبين الرقي ! آنا أموت عليه

    بالنسبة لي أحلى فاكهة صيفية إلى جانت البطيخ الأخضر

    (L)

    ::

    يضيق خلقي لما أسمع عن اصابة اي شخص بصداع نصفي .. لأني أعرف مدى الألم اللي يسببه

    ما تشوفين شر

     
  • At 12:22 PM, June 08, 2008, Blogger 78o8eYa

    الزين

    حياتي يا الزين
    مشكورة
    :*
    وودي أعلمج
    بس قلبي ما يطاوعني
    ..
    ..
    ;$$

    والله أحب الحياة وأحاول أستمتع فيها كثر ما أقدر
    بس إهي
    ما أدري شفيها عليّ
    :S
    ما نقول غير ..الله كريم

    بالعافية على قلبج الرقي
    وعلى طاري المانجا
    آنا مو زوود معاها
    ;p


    الحل يا عزيزتي، تختارين كتب ذات قيمة وهدف واضح
    ^_^
    كتاب مشوّق يجبرج على إكتشافه
    وإستمرار تقليب صفحاته حتى النهاية

    وأشير إلى أن الفقرة الواردة بالموضوع كتبت
    بمعنى آخر ، غير المفهوم
    :)

    حبتج العافية والجنة الدافية
    ربي يسلمج ويحفظج لحبايبج
    :)

    -=-=-=-=-

    Mamloo7a Q8ia

    هلا وغلا
    بالملح كله
    :)

    ربي يخليلج حبايب دنياج
    ويسلم قلبج

    محد يحبني
    كثر نفسي

    صاجه
    ;)

    -=-=-=-=-

    Broke

    حيا الله من يانا
    :*

    ليش ما يصير
    LOL ;p
    ..
    أفضّل البطيخ الأصفر
    :))

    الشر ما إييج يا الغالية
    ولا يضيق خلقج
    الحمدالله، آنا وايد زينه
    ^_*

     
  • At 8:28 PM, June 08, 2008, Blogger الزين

    ادري

    وفهمته صح
    ومعناه جدا رومانسي

    بس طرى على بالي سالفه عزوفي عن القراءة بالفترة الأخيرة

    وعدم مقدرتي على اتمام اي كتاب
    بعد ما كنت قارئة نهمة

    يمكن لأني اقرا بالأنجليزي

    بالفترة الأخيرة نصحوني اني اقرا بالعربي عشان يصير عندي مفردات

    وجربت
    واكتشف اني كلش ما اندمج بالقراءة بالعربي

    قاعدة احاول
    بس ماني عارفه شلون

    شكلي بستمر اقرا انجليزي

    :$

    وعشان جذيه ييه تعليقي بصورة مالها صله بالجزئية اللي كتبتيها

    رغم روعتها

    مدري شفيني اليوم

    :\

    الناس بوادي وانا بوادي

     
  • At 8:52 PM, June 08, 2008, Blogger Najmah

    اهليييين حقوقية
    اول شي سلامات مافيج الا العافيه ان شاء الله
    صارلي جم يوم انطر تنزلين بوست
    :*
    ريحي نفسج يالغاليه وماعاش اللي يزعلج
    ربي يعطيج الصحه والعافيه
    وراحة الجسد والبال يارب
    :*


    ..

    واي الصور كالعادة
    ودي ألمهم :**

    صج ماتحبين الرقي
    حتى لو كان على شكل نجوم؟
    :pP

    تصدقين انا مرات لما اكون رادة من الحر
    مااشتهي اتغداا
    بس آكل رقي
    يكون بااارد
    احس بالانتعاش ^_^

    ..


    كيف يمكن لأديب مثلك
    أن يستعصي عليه حل لغز قصة قصيرة مثلي

    :))
    واتساءل معاج نفس السؤال
    ;)

    ..

    اعجبتني الوردي الهيلقي
    لوووووول
    ياحلاة البراءة والقناعة
    حسستيني الدنيا بخير
    ملينا من التصنع اللي نشوفه حوالينا
    والمظاهر اللي ذابحة هالناس
    ونااسة
    تمنيت اكون معاكم
    المرة الياية عزميني
    :P

     
  • At 8:50 AM, June 10, 2008, Blogger 78o8eYa

    الزين


    كلاااكيت ثاني مره
    ;p
    أحب اللي يتابعون
    ;))

    إسم الله عليج
    ما فيج إلا العافية

    المهم الإحساس يوصل
    انجليزي وإلا عربي ماتفرق
    أهم شي تكونين مرتاحه
    ^_*


    -=-=-=-=-

    Najmah

    هلا وغلا بنجمة النجوم
    :)
    ربي يسلم قلبج ويحفظج
    حبيبة قلبي والله :*

    مبروووك على النتايج اللي طلعت
    ربي ما يخسّر التعب
    يبيلنا نحتفل
    ولاازم كيكة
    ;Pp~

    وهديتج بالطريج
    ^_*

    للأسف، حتى رقي على نجوم ما يشوّقني
    :$

    ترا الوردي الهيلقي
    سالفة صارلها أكثر من 7 سنين
    البنات ، إسم الله عليهم
    بالمتوسطة ألحين
    بس ولا يهمج
    أعزمج بيمعة يهال من اللي يحبهم قلبج
    بس مو تقولين شـ هاليهال
    LOL ;Pp

     
  • At 8:36 PM, June 10, 2008, Blogger Najmah

    الله يبارك فيييج بعد قلبي
    الله حفلة وكيكة
    تشووقت
    يالله خل تطلع آخر نتيجة
    واعزمكم على حفلتي :*

    ومشكوورة على الهدية مقدما
    اثق بذوقج الراقي ^_^


    لوووووووووول
    ميخالف انا راضيه
    اقولج سر
    اصلا انا احب اليهال الشياطين
    احب اللي يبدعون ويطلعون خطط جهنمية وناااسة
    صج ونااسة :Pp

     
  • At 8:12 AM, June 15, 2008, Blogger charisma

    سلالامتج وما تشوفين شر حبيبتى
    ماكو الا العافيه ان شااءالله
    :**

    واى انا احب الرقى ههههههه ولا اذا صارت حمره وباارده وتاكلينها على البحر وااو يا حلو هالشعوور

    وموتينى ضحك على الوردى الهيلقى
    ههههههههههههه
    عجيبيين الله يحفظهم

    وصبااح الفل
    :)

     
  • At 6:54 PM, June 23, 2008, Blogger Flowera

    لووووووول ياحلاتهم اهما والوردي الله يخليهم لكم
    صج قمة البرائة

     
  • At 1:55 PM, June 24, 2008, Blogger Q8ya

    سلامات حبي انتي..وماتشوفين شر يالطيبه..:)


    كان فيني كوليسترول عالي ونزلته والحمد لله اعتمدت اكثر على تغيير نوع اكلي ...:)

    ;***

     
  • At 3:03 AM, June 27, 2008, Anonymous 7osen

    وينج صارلج فترة غايبة

    عسى ماشر

    اتمنى إنج بخير

    ناطرينج

     
  • At 6:47 AM, July 02, 2008, Blogger Nescafé

    hehehehe
    مت من الضحك على الوردي الهيلقي
    الله يحفظهم ويخليهم لاميمتهم


    سلامتج وماتشوفين شر

     
  • At 9:48 PM, July 03, 2008, Blogger 78o8eYa

    SoRry 4 being so late !
    :$


    love U all ..


    _____________________




    Najmah

    بعد عمري يا نجمة
    :$$
    حدي مفتشله منج
    ما قدرت أحضر حفلتج ولا آكل من الكيكة العجيبة اللي شاريتها حقي
    كانت ظروف قاهرة .. تعبت
    وسافرت
    ورديت
    وتعبت
    وكل شي حولي تعب
    لابتوبي
    my W-NET
    وحتى سيارتي تعبت
    ..
    سامحيني
    قدرج على الراس والعين ، وإن شاء الله بعوضها لج
    :$


    -=-=-=-=-

    charisma

    الغالية والمتواصلة دوماً وأبداً
    :*
    ربي يسلم قلبج من كل شر
    وعساها دووم هالضحكة منورة
    :)

    مساء النور والسرور
    ^_^


    -=-=-=-=-

    Flowera

    حيا الله من يانا :)
    الأحلى تشريفج لنا بزيارة
    عسى ربي يخليلج حبايب دنياج
    ^_*


    -=-=-=-=-

    Q8ya

    هلا باللي لفاني
    يا هلا به
    :**
    الطيب .. طيب قلبج
    عساه دوم بخير وصحة وعافية
    و
    متهني
    ^_*


    -=-=-=-=-

    7osen

    الواصل دوماً
    :)
    فرحني هالسؤال والاهتمام، جزيل الشكر
    وكنت شوي تعبانة وانشغلت
    ولابتوبي كان مريض
    وألحين إن شاء الله يسهل وترد الأمور طبيعية
    ...
    صج انتو ناطريني؟
    وآنا أقول من اللي كان يطق باب البلوق
    :))


    -=-=-=-=-

    Nescafé

    هلا بالطش والرش
    وكثر ما الغيم بالمطر رشرش
    :**
    منوره
    منوره
    ^_^

    ربي يسلم عمرج يا الغالية
    وألف الحمدالله على السلامة
    :)

     
  • At 11:08 PM, July 03, 2008, Blogger Najmah

    واااااااي حياتي
    الحمدلله على سلااااامتج
    توني داشة بقولج ويييينج فاقدتج
    لااا لاا مابيننا فشيله
    افا عليج ولا يهمج
    المهم رااحتج
    طمنيني شلونج الحين
    وسلامتج من كل تعب
    :*