Wednesday, May 28, 2008
~ NoNi ~



أعاني منذ فترة ليست بالقصيرة من صداع رهيب

دوخة مصاحبة بلوعة

وينضم لهم ضغط منخفض

جميعها تشكل سمفونية مزعجة

بعد مراجعة الدكتور تبيّن أنها أعراض

"صداع توتري"

ونتطمن أكثر بعد إجراء تحليل شامل للدم وفحص نظر

...
...

و
الله يستر
لا يطلع شي ثاني


...
...

آسفة على القطاعه
بس مجابل الشاشة يزيد الألم .. للأسف ..


:(

******




لفتت نظري بجمالها الطبيعي وأناقتها الرقيقة
المتشبثة بكل شغف
بشريك حياتها ووالد أطفالها الثلاثة

جمعتهما النظرة الأولى التي لغت جميع الإختلافات
عشقهما اللانهائي أخرس الألسن الناقدة

بياضها الناصع
إكتمل
بسواده الفاحم

حين تقترن العاطفة بصدق المشاعر
وتجتمع الرغبة بالإرادة

يكون تجاوز الحواجز
وإزالة العقبات

سهلاً .. بسهولة فتح الأبواب المغلقة
وإشعال شمعة وسط العتمة



لاشيء يوقف سيل الإصرار الجارف
ولا حرارة تُقارن بشدة فوران العاطفة


فقط اتبع إحساسك
واعقد عزيمتك

وطبّق ما تغنى به رويشد
:

أنا باتبع قلبي .. وبس ما عليّ من الناس
كذب اللي يقولون .. المحبة لها مقياس
يقولون لي سيبو.. تلاقي مثيلو جم

وقلبي يقولي لا .. تسيبو ترا بتندم

******




Just 4 U


نـــايم
حبيبي
..
نام
نوم العوافي
يسعدلي مساك

جعل تصبح على خير


أحب أن أغنيها .. و لو إنها بصوت نوال أفضل
;p
تأمل وجهك الغارق بحلم جميل يجمعنا
متعة لا تضاهيها متعة
..
..
عندما تغفى عينيك
تبرز براءة ملامحك
أشعر بك
طفلي المدلل
المفضل
و
الوحيد
..
..
 
posted by 78o8eYa at 11:32 AM | Permalink |


12 Comments:


  • At 1:45 PM, May 28, 2008, Blogger Barrak

    ماتشوفين شر ياوخيتي


    لاتخافين
    كل المفكرين والعظماء يعانون من نفس المرض

    انصحك بالإبتعاد عن الكويت لفتره


    ويقول الشاعر
    واذا مامسح بيده
    عليا يزول الباس

     
  • At 11:10 AM, May 29, 2008, Blogger 7osen

    بوست جمييل جداً ومتناغم جداً


    ماتشوفين شر إن شاءالله
    وماعليج إلا العافية


    عجبني الكلام عن الأبيض والأسود
    الحب جمهم
    ولا شي يفرقهم

    بس ما احبه هذا المطرب يضيق الخلق

    :)

    الكلام الأخير رائع جداً
    بروعة الصورة المليئة بالبراءة

    وإغنية نوال عجيبة

    بس عندي سؤال

    شنو معنى العنوان مال البوست

    :)

     
  • At 1:28 PM, May 29, 2008, Blogger ظبياني

    مسا الخير

    مرحبا و سهلا

    شحالج عساج بخير
    سلامات ماتشوفين شر
    ربي يحفظج

     
  • At 3:03 PM, May 30, 2008, Blogger Najmah

    سلامات يالغالي سلامات
    ماتشوفين شر
    ريحي نفسج وان شاء الله ماتشوفين الا العافيه :*

    ..

    لاشيء يوقف سيل الإصرار الجارف
    ولا حرارة تُقارن بشدة فوران العاطفة
    ..
    صدقتـي والله
    :)

     
  • At 6:26 PM, May 30, 2008, Blogger MARSHAL Q8

    ان شاء الله ماكو الا الخير

    وعسى ان تكرهوا شيئا وهو خير لكم ..

    يمكن هالحادثه تبطل عيونج على اشياء كنتي مو منتبهه لها او مهملتها .. :)

    وماكو الا الخير ان شاء الله

     
  • At 9:41 AM, June 01, 2008, Blogger الزين

    اول شي ما تشوفين شر حبيبتي

    ثاني شي ما تنلام لين حبته
    الريال له حضور
    ومن تسمعينه يتكلم تنبهرين بالإسلوب والفكر والمنطق

    وصج لين قالوا السالفه مو بالشكل

    البوست رائع يا حقوقية
    افتقدت وجودي هنيه

    وافتقدت كلامج الحلو

    :**

     
  • At 3:44 PM, June 02, 2008, Blogger AuThoress

    سلامات يا صديقة
    انتبهـــــي لقلبك
    لروحك


    كوني دوما مبتهجة واركلي برجلك الصغيرة ما يؤذيك


    محبتي

     
  • At 4:41 PM, June 02, 2008, Blogger 78o8eYa

    Barrak


    يا هلا بوعبدالله
    الشر ما يجيك
    يسلمك ربي
    ويخليك
    :)

    الصراحة آنا خفت .. من الابرة لما خذو مني دم
    :$$

    ضحكتني "كل المفكرين والعظماء يعانون من نفس المرض" ، أعتقد انك تقصد
    كل المنقهرين
    واللي منبطه جبدهم
    :/

    وأبشرك في سفره يايه بالطريج .. أتمنى تخفف من عوار الراس

    بالأخير
    ...
    ...
    ص د ق ت
    ;)

    -=-=-=-=-

    7osen

    :)
    منورنا .. ورديت لنا الكهربا
    ;p

    الله يسلمك ويخليك
    لعيون تغليك

    مسكين ..قصة حياته إهي اللي تضيّق الخلق
    يمكن علشان جذي منعكسة على نظراته
    :(
    عاد أهو خوش ريال
    ;p

    دايماً تخجلني بتواصلك المشجع جداً
    ^_*
    و
    بالنسبة لـ سؤالك عن العنوان

    اللي أقدر أقوله
    إن
    هالأربع حروف
    اسم دلع
    ..
    حالها من حال
    NaNi
    و
    NoNa
    ولحسن حظي
    كلها شخصيات حقيقية
    ;pP~

    -=-=-=-=-

    ظبياني


    يا مسا النور والسرور
    مرحبا بك
    :)

    الحمدالله ، ألحين أشوا شوي
    طيبين طاب حالك

    ومبروك على الإسم اليديد
    أرقى
    ولايق عليك أكثر
    :)

    -=-=-=-=-

    Najmah

    حياتي يا نجمة
    :*
    تسلمين لي يا الغالية
    ربي يسلم عمرج

    بحاول أريّح ..ولو إنها صعبة
    ..

    عساني ما انحرم
    ^_^


    -=-=-=-=-

    MARSHAL Q8

    أهلاً وسهلاً
    ونقول بعد
    Welcome Back
    :)

    مشكور وما قصرت
    إن شاء الله ماكو إلا كل الخير
    وبعد جم يوم بتبيّن النتايج
    ونتطمن
    :)
    حياك ربي


    -=-=-=-=-

    الزين

    الزين عندنا .. يا مرحبا
    يا مرحبا
    :*

    ربي يحفظج ويسلمج من كل شر يا الغالية

    صاجه والله .. شخصيته واسلوبه
    يغطون على شكله
    "تنبهرين"
    هذا التعبير الصح
    ^_^

    المكان كله مشتاق لج
    وعساني ما أفقدج من شر

    عزيزة وغالية
    :)

     
  • At 11:54 PM, June 03, 2008, Blogger 78o8eYa

    AuThoress


    فرٍِحة بسلامة العودة
    ^_^
    "نورتِ الديرة"

    مروركِ العطر دوماً يثير همسات الصمت
    كما يثير ذكرى لقاء خالد
    لحظاته مازلت نابضة
    بـ روحي

    دمتِ بكل حب وسلام
    :*

     
  • At 2:37 PM, June 04, 2008, Blogger Mamloo7a Q8ia

    ما تشوفين شر يالغاليه

    والانسان مو بشكله يا ما حلوين وجمالهم ماله حد لكن ما تقدرين تجابلينهم دقيقه

    وفعلا تطبيق نظرية رويشد القلبيه احسن واسلم
    :p

     
  • At 4:53 PM, June 04, 2008, Blogger sologa-bologa

    سلامات يبا ما تشوفين شر
    ديري بالج على صحتج
    تراها عندنا بالدنيا

    وصدق الرويشد
    اي والله ما علي من الناس

    بس يا معودة خوفج يمنعون الاغنية
    خصوصا البيت اللي يقول

    احب محبة قبل يخلق ابونا آدم
    :)


    ودمتم بحب وود وسلامة

     
  • At 5:51 PM, June 07, 2008, Blogger 78o8eYa

    Mamloo7a Q8ia


    منورتني يا مملوحة
    :)
    تسلمين حبيبتي ، الشر ما إييج ولا يعتب بابج

    فرحني هالمرور والله
    ..

    صدقتِ
    ^_^
    وخلج دوم قريبة


    -=-=-=-=-

    sologa-bologa

    حيا الله من يانا
    :)
    لو ندري جان مرضنا من زمان علشان تسيرون علينا
    تسلم يا سلوقا
    ربي يحفظك من كل شر
    أخو عزيز وغالي

    تصدق عاد
    فكرت من قبل
    شلون طاف عليهم
    أكيد مو منتبهين له
    خلهم على عمامهم ولا تفطنهم
    ;)

    ودمتم بخير
    :)