Saturday, July 07, 2007
نوّرينا .. خطوه خطوه

يتم الإعلان عن وصولها

نلتزم بالجلوس

تطفئ الأضواء تدريجياً

بقلوب خفّاقة ونظرات مترقبة

تلف القاعة لحظة صمت

جميع الأعناق متجهة نحو ذلك الباب المغلق

تنتظر فتحه

والكشف عنها

..

تطل علينا بنورها

بينما تصدح نوال الكويتية "نوّرينا .. خطوه خطوه"

تتهادى بخطواتها

ونحلق معها بفرحتها

بسماتها الخجلة تزيدها حلاوة

أشعر بنبضاتها تسري بعروقي

وأستعيد ذكرياتي معها باقترابها مني


..

هي حمامة السلام ..

الحنونة دوماً
المبتسمة في أصعب الظروف
الواثقة من قدراتها
المتفهمة للجميع
الملتزمة بمبادئها
قوية لا يمكن كسرها
عنيدة لدرجة الصلابة

كاتمة أسرار من الطراز الأول
ذات شخصية متميزة

كانت ولازالت تمثل لفئة معينة من الفتيات
رمز الأسطورة الخالدة


جمعتني بها مواقف مصيرية

لحظات لن تتكرر
وأيام لا تُنسى

عرفتها

اخت
صديقة
زميلة

عالية مكانتها عندي
غالية محبتها بقلبي


! كانت غالباً ما تقول لي ضاحكه : نص بنات الكلية آنا مزوجتهم ، ومردي راح أقعد بدون زواج
;Pp~


واليوم أنظر لها

في هذه اللحظة

أجمل عروس
تزف .. لحلمها الوردي

العيون تبتسم لها
والألسن تهنيها
والأكف تحييها
والقلوب تدعي لها

مع خالص التمنيات
بـحياة كاملة العسل
بحب دائم الإشتعال
بسعادة دائمة لا تزول
وبابتسامة لا تنطفيء

ومحبة لها في قلوب الناس
كالشجرة المثمرة
تغرس جذورها بالأعماق
وتثمر أغصانها المتفرعة

تكبر وترتفع عالياً
ولا يمكن اقتلاعها أبداً


..
..

أغلى جوجو
لأن الطيبون للطيبات
ربي عطاج الطيب كله
الله يهنيج و يديم سعادتج
:*

*-*-*-*-*-*-*-*-*-*-*-*-*-*-*






مبتعدة عن الساحة ما يُقارب السنتين أو أكثر ، كان في البداية ابتعاد غير متعمد وتطور مع الوقت فأصبح رغبة داخلية متخفية ..
أعترف بتقصيري ، وبوجود قلة متميزة ما زلت محافظة على تواصلي المباشر معهم
ولكون هذه المناسبة- المشار إليها أعلاه- قد حَوت على العديد من الأشخاص الذين تمت دعوتهم
فكان اللقاء بهم نتيجة طبيعية لوجودنا بمكان واحد
..
لكن غير الطبيعي التساؤلات الموجهة لي بعد السلام مباشرة ،ما بين :- "تزوجتي ؟!" و "وين اشتغلتي ؟!"

الجملة الوحيدة المفرحة هي :
"متغيرة ما عرفناج ! .. "
;)

وخانتني ذاكرتي كالعاده .. أتلعثم وأرتبك مقلبة بملفاتي عن اسم لهذه النظرات السعيدة جداً بلقائي .. فأفشل
وبمجرد ما تهم بذكر تفاصيل موقف معين تظهر (اللمبة المُشعة) فوق رأسي فأستعيد ملفاتي المغبرة بالأرشيف
..

تتعمد احراجي هذه الذاكرة المزاجية ، فهي تنسى ما لا يجب نسيانه
وتتذكر ما يجب دفنه

..
..

حاولت اصلاحها مراراً وتكراراً ، ولكنها مصرّه

هل من علاج نافع ؟





*-*-*-*-*-*-*-*-*-*-*-*-*-*-*



وبما أن العنوان قد حوى "نور" ، لابد من توجيه كلمة للآنسة الغالية

A7la Eng
^_*

نوركم زاد المكان نوره
سعدنا بلقياكم يا نوره
يا قمر زايد بنوره
حلاة الضحكه وذيج التنوره


:)


ولو إن المكان والوقت ما سمح
لكن سعيده جداً بشوفتج
وتشرفنا ..
^_^


 
posted by 78o8eYa at 7:56 PM | Permalink |


13 Comments:


  • At 10:35 PM, July 07, 2007, Blogger PearL

    بوستج كله احساس

    مادري ليش لما قريت عن اللي تزوجت دمعت عيني

    دايما لما اسمع وصف دخول العروس لصالة العرس تدمع عيني

    وايد يأثر فيني هالشي




    اما بالنسبة للذاكرة
    الحال من بعضو :))

     
  • At 11:56 PM, July 07, 2007, Blogger 78o8eYa

    Pearl

    هلا باللي لفاني يا هلا به
    ^_^

    لأنج الاحساس كله ، حسيتي بالمشاعر المعجونة بالكلمات
    :)

    كانت-الله يحفظها- من العرايس اللي لهم هيبه ، دمعت عينج من الحجي
    عيل لو شايفتها جان وقفتي معانا
    ..
    :$

    طلع الحال من بعضو :))
    عيل نطري معاي
    جود أحد يفيدنا بعلاج حلو


    زيارتج أحبها ، ونستني
    شكراً على الوصال
    ;*

     
  • At 1:07 AM, July 08, 2007, Blogger a7La eNG

    yaaaaaaaaaaaaaaaaaaaaaaaaaaaay

    شقووول يعني انا لحين

    :********************

    تسلمين يا بعد قلبي والله انتي
    كلج ذوووق
    النور نوورج و احلى ضحكة ضحكتج


    تشرفت والله يشهد دشيتي قلبي بويهج السمح و برااااءة عيوونج
    ;)

    نشوفج ان شالله قريباااااا لحوار اطول
    ;**
    happy to see u sweety ..

     
  • At 3:30 AM, July 08, 2007, Blogger esTeKaNa

    احم احم وانا ماحد ياب طاريي
    PpP~
    لما قريت كلماتج رديت حسيت بالموقف ودمعت عيني،طول ما كنت واقفه يمج اتلفت واكرر بهمس لي ولج:
    ترا ما راح ابجي
    :))
    الله يوفقها ويسعدها
    انسانه طيبه وتستاهل كل خير
    لها بقلب كل منا معزة
    ومع كل واحده منا موقف خاص وذكرى
    واهي انسانه فعلا مميزة كافي دخلتها واحساسنا كلنا فيها وذكرياتنا الحلوة معاها اللي صارت مثل شريط ينعرض مع كل خطة تخطيها

    عقبال ما نفرح فيج
    ونحتفل فيج
    واتدرب على اليباب من الحين
    وبتعلم على السامري بعد

    :)
    والسنعه اللي سائلتج عن الزواج زوووقه تموت عليج من جدامج ووراح تمدح فيج:))

     
  • At 1:07 PM, July 08, 2007, Blogger ZoZOta

    حبيبتي حقوقية
    الله يهني صاحبتج
    ويكيب خاطر كل بنت تبي الستر

    وصفج للحظات دخول العروس
    خلاني اتصور كل لحظه بوضوح

    تهقين شنو شعورها حزتها

    همممممم

    الله اعلم

    يمكن فرحه ما بعدها فرحه
    الفرحه اللي تحسين احشائج تنبض قبل قلبج
    وكل شي فيج يرجف
    مو متحمل حلاوة الشعور

    وخدر بكل اطرافج

    همممممم
    الله يوعدنا

     
  • At 11:47 PM, July 08, 2007, Blogger 78o8eYa

    a7La eNG

    تستاهلين الطيب كله
    :*

    تسلمين لي ويسلم لي قلبج
    يا أحلى نوره
    ^_*

    ونترقب لقاء مطول
    إن شاء الله على خير نلتقي
    حياتي انتي
    ;D

    Me 2 walla ;)


    -=-=-=-=-=-=-

    esTeKaNa

    أهلين وسهلين بكامل الزين
    هلا بالناس مره وهلا بك مرتين

    انتي بالقلب والعين
    الله لا يبيّن معزتج من شر
    :**

    ...

    ايه ما نبي نبجي ، عشان الشسمه والشسمونه
    LOL ;Pp~


    اي والله تستاهل كل الخير
    مثلج وشرواج

    والفال لج
    نفرح فيج
    وانيبب لج- ترا أعرف
    ^_*
    أدربج
    يباب + سامري
    ببلاش
    LOOL ;Ppp~

    آنا تو الناس عليّ ، ما شبعت من حياة العزوبية
    ولاحقين على الحنه
    ;)~

    آنا ما كنت أقصد السنعه، حبيبة قلبي هذي
    "بنتي"
    :))
    صج مشكوره على الرد على الإشاعات
    LOOL
    ;P
    آنا انصدمت والصراحه بس قاعده أضحك
    :)))

     
  • At 8:45 AM, July 09, 2007, Blogger 78o8eYa

    ZoZOta

    حيا الله من يانا ^_^

    تسلمين حبيبتي ، آمين
    :)

    إن شاءالله لي تلاقينا أسألها لج
    شنو شعورها لحظتها
    ;P

    ربي يرزقج بأحسن مما تتمنين
    :*

     
  • At 4:02 PM, July 09, 2007, Blogger sologa-bologa

    يحليلي وأنا أول الرجال تعليقا
    :)

    أولا
    الله يوفقها العروس اليديدة
    ويديم عليها الحياة السعيدة
    ويعينها على المسؤوليات العتيدة
    :)

    وثانيا
    متغيرة
    أكيد ضعفانه
    :p

    وثالثا
    أشوف بوادر زهيريات

    نوركم زاد المكان نوره
    سعدنا بلقياكم يا نوره
    يا قمر زايد بنوره
    حلاة الضحكه وذيج التنوره

    صارت في منافسة لحبيبنا واستاذ الزهيريات

    بوحمود
    :)

    على فكرة
    النسيان نعمة حباها الله لعباده الصالحين

    ودمتم بحب وود

     
  • At 12:22 PM, July 10, 2007, Blogger barrak

    انا كنت ناطر احد يدش من معشر الرجال عشان اصير عقبه
    وسواها استاذي سولوجا

    بصراحه حلاة ذيك التنوره
    عجيبه

     
  • At 5:24 PM, July 10, 2007, Blogger 78o8eYa

    sologa-bologa

    اي والله
    يحليلك
    ^_^

    عاد هالكلمه دايماً أقولها ، ولو إن بعض الناس تستنكرها في بعض المواقف
    بس

    صج يحليلك وانت منورنا
    :)


    أولاً
    شكراً شكراً
    تسلم يا سلوقا
    ودي أقول
    "الفال لك"
    بس اللي أعرفه انك متمسك بالعزوبيه لآخر درجه
    فـ .. ماراح أقول
    ;)

    ثانياً
    اممم
    يمكن
    ..

    ثالثاً
    ما نقدر نقايش الأستاذ بوحمود
    احنا مبتدئين ، وتظل محاولات بسيطه

    شاكره لك اطرائك
    :)


    ما أنكر ان النسيان نعمه
    لكن
    أحياناً يكون مزعج

    ودمتم بكل خير وأنفة
    :)

    -=-=-=-=-=-

    barrak

    حيا الله بوعبدالله
    ^_^

    يا حافظ شفيكم واقفين عند الباب ؟
    .. حياكم
    ;)

    وبصراحه أكثر
    رآيكم مهم
    و
    مشجع

    عاجزه عن الشكر
    :D

     
  • At 3:21 PM, July 11, 2007, Blogger ReLaaaX

    مبرووك على النيو لوك :)

    --

    والله يهني رفيجتج جوجو وتستاهل كل خير

    وانتي بعد طيبة وقلبج كبير وتساهلين الطيب ^_^

    --

    ويمعتج ياحبيبتي شوفي الاشيا الحلوه اللي فيها ... أما الملاقيف ماعليج منهم :)جنج ماسمعتيهم

    اما الذاكرة فعندنا وعندج خير

     
  • At 6:25 PM, July 11, 2007, Blogger 78o8eYa

    أبله ريلاكس عندنا
    ;D
    يا مرحبا يا مرحبا

    ربي يسلمج من كل شر
    حبيبه والله :)

    ما عليج زود يالغاليه

    ..
    الملاقيف زايدين هالأيام وساعات أحس اني عيزت وآنا أحقر
    :/

    اسم الله على ذاكرتج
    شفينا كلنا نعاني
    تهقين ، كل هذا من تأثير الدراسه وكفاح الدوام
    ؟
    ;p

     
  • At 6:26 PM, July 11, 2007, Blogger 78o8eYa

    سقط سهواً

    "الله يبارك بعمرج"
    كلج ذوق حياتي
    :*